National
കാര്‍ഷിക കടാശ്വാസത്തിലെ ക്രമക്കേട്: കര്‍ശന നടപടിയെന്ന് പ്രധാനമന്ത്രി
ന്യൂഡല്‍ഹി: കാര്‍ഷിക കടം എഴുതിത്തള്ളിയതില്‍ വ്യാപക ക്രമക്കേട് നടന്നുവെന്ന സി എ ജി റിപ്പോര്‍ട്ടില്‍ പറയുന്ന കാര്യങ്ങള്‍ തെളിഞ്ഞാല്‍ കുറ്റക്കാര്‍ക്കെതിരെ കര്‍ശന നടപടി സ്വീകരിക്കുമെന്ന് പ്രധാനമന്ത്രി ഡോ. മന്‍മോഹന്‍ സിംഗ് പാര്‍ലിമെന്റിന് ഉറപ്പ് നല്‍കി. രാജ്യസഭയുടെ ശൂന്യവേളയില്‍ പ്രതിപക്ഷം വിഷയം ഉന്നയിച്ചതിനെ തുടര്‍ന്നാണ് പ്രധാനമനന്ത്രി നിലപാട് വ്യക്തമാക്കിയത്.
സി എ ജി റിപ്പോര്‍ട്ടില്‍ പറയുന്ന കാര്യങ്ങള്‍ പതിവുനടപടി അനുസരിച്ച് പബ്ലിക് അക്കൗണ്ട്‌സ് കമ്മിറ്റി പരിശോധിക്കേണ്ടതുണ്ട്. ഈ പരിശോധനയില്‍ എന്തെങ്കിലും ക്രമക്കേട് കണ്ടെത്തിയാല്‍ അതിന് ഉത്തരവാദികളായവര്‍ക്കെതിരെ ശക്തമായ നടപടി സ്വീകരിക്കുമെന്ന് പ്രധാനമന്ത്രി പറഞ്ഞു.
എന്നാല്‍ പ്രധാനമന്ത്രിയുടെ മറുപടിയില്‍ തൃപ്തരാകാതെ പ്രതിപക്ഷം സഭയുടെ നടുത്തളത്തിലിറങ്ങി ബഹളംവെച്ചു. തുടര്‍ന്ന് ഡപ്യൂട്ടി ചെയര്‍മാന്‍ പി ജെ കുര്യന്‍ സഭ അല്‍പ്പനേരത്തേക്ക് നിര്‍ത്തിവെച്ചു.
Latest
നിമിഷ പ്രിയയുടെ മോചനം; മാപ്പപേക്ഷയുമായി അമ്മ യമനിലേക്കു പുറപ്പെട്ടു
ആദ്യഘട്ടം തെരഞ്ഞെടുപ്പിനിടെ സ്ഫോടനം; കേന്ദ്രസേന ഉദ്യോഗസ്ഥന് വീരമൃത്യു
പ്രിയങ്ക ഗാന്ധി ഇന്ന് കേരളത്തില്; നാല് പരിപാടികളില് പങ്കെടുക്കും
രാഹുല് ഗാന്ധിയുടെ പരിപാടിയില് ലീഗ് കൊടി ഉയര്ത്തി; വണ്ടൂരില് സംഘര്ഷം
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
