National
പായ്ക്കപ്പലില്‍ ലോകം ചുറ്റിയ അഭിലാഷ് ടോമിക്ക് കീര്‍ത്തിചക്ര
മുംബൈ: പായ്‌വഞ്ചിയില്‍ തീരത്തിറങ്ങാതെ ലോകം ചുറ്റിയ മലയാളി നാവികന്‍ അഭിലാഷ് ടോമിക്ക് കീര്‍ത്തിചക്ര. യുദ്ധവേളയല്ലാത്ത അവസരങ്ങളില്‍ അസാമാന്യ ധീരത പ്രകടിപ്പിക്കുന്ന സൈനികര്‍ക്ക് നല്‍കുന്ന ബഹുമതിയായാണ് അഭിലാഷ് ടോമിക്ക് കീര്‍ത്തിചക്ര ലഭിക്കുക.
തീരത്തണയാതെ നാല് ലക്ഷം കിലോമീറ്റര്‍ സഞ്ചരിച്ചാണ് അഭിലാഷ് ലോകപര്യടനം പൂര്‍ത്തിയാക്കിയത്. മാദേയി എന്ന പായ്‌വഞ്ചിയാണ് ഉപയോഗിച്ചത്. ഈ നേട്ടം കൈവരിക്കുന്ന ആദ്യ ഇന്ത്യക്കാരനും രണ്ടാമത്തെ ഏഷ്യക്കാരനുമാണ് അഭിലാഷ്. കഴിഞ്ഞ വര്‍ഷം നവംബര്‍ ഒന്നിന് മുംബൈ തീരത്ത് നിന്ന് യാത്ര തിരിച്ച അഭിലാഷ് ഏപ്രിലിലാണ് തിരിച്ചെത്തിയത്.
നാവികസേനയില്‍ ലഫ്. കമാന്‍ഡറാണ് 34 കാരനായ അഭിലാഷ് ടോമി. തൃപ്പൂണിത്തുറ കണ്ടനാട് സ്വദേശിയാണ്.
ആലപ്പുഴ ചേന്നംകരി വല്ല്യാറ വീട്ടില്‍ വി സി ടോമിയുടെയും വത്സമ്മയുടെയും മകനാണ്. പുരസ്‌കാരം മാതാവിന് സമര്‍പ്പിക്കുന്നതായി അഭിലാഷ് പറഞ്ഞു.
Latest
വൈദ്യുതി കുടിശ്ശികയായതോടെ പത്തനംതിട്ട ജില്ലാ വിദ്യാഭ്യാസ ഓഫീസിലെ ഫ്യൂസ് ഊരി കെഎസ്ഇബി
ദുബൈ വിമാനങ്ങൾ റദ്ദാക്കി എയർ ഇന്ത്യ
ഭരണഘടന ഭീഷണി നേരിടുന്ന കാലത്തെ അസാധാരണ തിരഞ്ഞെടുപ്പാണ് നടക്കാന്‍ പോകുന്നതെന്ന് ബൃന്ദ കാരാട്ട്
ലോക്‌സഭാ തിരഞ്ഞെടുപ്പ്: ഒന്നാം ഘട്ടത്തില്‍ ഉച്ചവരെ ഭേദപ്പെട്ട പോളിങ്; കൂടുതല്‍ ത്രിപുരയില്‍
ഇന്ത്യയെ രക്ഷിക്കാനാണ് കോണ്‍ഗ്രസിന്റെ ശ്രമം; എംഎം ഹസ്സന്‍
ബിജെപിയെ പ്രീണിപ്പിക്കാന്‍ പിണറായി രാഹുലിനെ പരിഹസിക്കുകയാണെന്ന് വിഡി സതീശന്‍
