National
മുസാഫര്‍ നഗര്‍ കലാപം വന്‍ ദുരന്തം: പ്രധാനമന്ത്രി
മുസാഫര്‍നഗര്‍: ഉത്തര്‍പ്രദേശിലെ മുസാഫര്‍ നഗറില്‍ നടമാടിയ കലാപം വലിയ ദുരന്തമാണെന്ന് പ്രധാനമന്ത്രി ഡോ. മന്‍മോഹന്‍ സിംഗ്. കലാപബാധിത പ്രദേശങ്ങളില്‍ സന്ദര്‍ശനം നടത്തുകയായിരുന്നു പ്രധാനമന്ത്രി. യു പി എ അധ്യക്ഷ സോണിയാ ഗാന്ധിയും എ ഐ സി സി വൈസ് പ്രസിഡന്റ് രാഹുല്‍ ഗാന്ധിയും ഒപ്പമുണ്ടായിരുന്നു. ഇന്ന് രാവിലെയായിരുന്നു സന്ദര്‍ശനം. കലാപം ഭവനരഹിതരാക്കപ്പെട്ട മുസാഫര്‍ നഗര്‍ നിവാസികളുടെ സുരക്ഷയും പുനരധിവാസവും ഉറപ്പ് വരുത്തണമെന്ന് പ്രധാനമന്ത്രി ഉത്തര്‍പ്രദേശ് സര്‍ക്കാറിന് നിര്‍ദേശവും നല്‍കി.
ഭവനരഹിതരാക്കപ്പെട്ടവര്‍ കഴിയുന്ന അഭയാര്‍ഥി ക്യാമ്പുകളില്‍ പ്രധാനമന്ത്രിയും സംഘവും സന്ദര്‍ശനം നടത്തി. ബാസി കലാന്‍, തവ്‌ലി ഗ്രാമങ്ങളിലാണ് പ്രധാനമനമന്ത്രിയും സംഘവും പര്യടനം നടത്തിയത്. ഇവിടങ്ങളില കലാപത്തില്‍ ഉറ്റവരെയും ഉടയവരെയും നഷ്ടപ്പെട്ടവരും ഭവനരഹിതരാക്കപ്പെട്ടവരുമായ നൂറുക്കണക്കിന് ആളുകള്‍ പ്രധാനമന്ത്രിയോട് തങ്ങളുടെ പരിദേവനങ്ങള്‍ പങ്ക് വെച്ചു. വി ഐ പികള്‍ സന്ദര്‍ശിക്കുമ്പോള്‍ അതീവ സുരക്ഷയൊരുക്കുന്ന പോലീസ് തങ്ങളെ സഹായിക്കാന്‍ എന്തുകൊണ്ട് വരുന്നില്ലെന്നായിരുന്നു ഒരാളുടെ ചോദ്യം. 40,000ത്തോളം ആളുകളാണ് ഇവിടെ അഭയാര്‍ഥി ക്യാമ്പുകളില്‍ കഴിയുന്നത്.
Latest
നിമിഷ പ്രിയയുടെ മോചനം; മാപ്പപേക്ഷയുമായി അമ്മ യമനിലേക്കു പുറപ്പെട്ടു
ആദ്യഘട്ടം തെരഞ്ഞെടുപ്പിനിടെ സ്ഫോടനം; കേന്ദ്രസേന ഉദ്യോഗസ്ഥന് വീരമൃത്യു
പ്രിയങ്ക ഗാന്ധി ഇന്ന് കേരളത്തില്; നാല് പരിപാടികളില് പങ്കെടുക്കും
രാഹുല്‍ ഗാന്ധിയുടെ പരിപാടിയില് ലീഗ് കൊടി ഉയര്ത്തി; വണ്ടൂരില് സംഘര്ഷം
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
