Kerala
സൗമ്യ വധം: ഗോവിന്ദച്ചാമിയുടെ വധശിക്ഷ ഹൈക്കോടതി ശരിവെച്ചു
കൊച്ചി: സൗമ്യ വധക്കേസില്‍ പ്രതി ഗോവിന്ദച്ചാമിക്ക് തൃശൂര്‍ അതിവേഗ കോടതി വിധിച്ച വധശിക്ഷ ഹൈക്കോടതി ശരിവെച്ചു. വധശിക്ഷക്കെതിരായ ഗോവിന്ദച്ചാമിയുടെ അപ്പീല്‍ തള്ളിയാണ് കോടതി വധശിക്ഷ ശരിവെച്ചത്. ജസ്റ്റിസുമാരായ ടി ആര്‍ രാമചന്ദ്രന്‍ നായര്‍, കമാല്‍ പാഷ എന്നിവരടങ്ങിയ ഡിവിഷന്‍ ബെഞ്ചാണ് വിധി പ്രസ്താവിച്ചത്.
പ്രത്യേക കോടതി വിധി റദ്ദാക്കാന്‍ നിര്‍വാഹമില്ലെന്ന് കോടതി നിരീക്ഷിച്ചു. സഹയാത്രക്കാര്‍ ഇടപെടാത്തത് നിര്‍ഭാഗ്യകരമാണ്. ദുരന്തത്തേക്കാള്‍ ഭയാനകരമാണ് സഹയാത്രക്കാരുടെ അനാസ്ഥ. റെയില്‍വേയുടെ ഭാഗത്തുനിന്നും സുരക്ഷാകാര്യത്തില്‍ വീഴ്ചയുണ്ട്. സ്ത്രീകളുടെ കമ്പാര്‍ട്ട്‌മെന്റ് ട്രെയിനിന്റെ മധ്യഭാഗത്തേക്ക് മാറ്റണം. സ്ത്രീസുരക്ഷ ഉറപ്പുവരുത്താന്‍ നടപടിയെടുക്കണം. കോടതി വിധിയുടെ പകര്‍പ്പ് റെയില്‍വേ ഉദ്യോഗസ്ഥര്‍ക്ക് അയച്ചുകൊടുക്കണമെന്നും കോടതി പറഞ്ഞു.
കോടതിയുടെ വിധിയില്‍ സന്തോഷമുണ്ടെന്നും അര്‍ഹിക്കുന്ന നീതി കിട്ടിയെന്നും സൗമ്യയുടെ അമ്മ പറഞ്ഞു.
2011 ഫെബ്രുവരി ഒന്നിനാണ് കേസിനാസ്പദമായ സംഭവം നടന്നത്. എറണാകുളംഷൊര്‍ണൂര്‍ പാസഞ്ചറില്‍ യാത്രക്കാരിയായിരുന്ന സൗമ്യയെ തമിഴ്‌നാട് കടലൂര്‍ ജില്ലക്കാരനായ ഗോവിന്ദച്ചാമി ട്രെയിനില്‍ നിന്ന് തള്ളിയിട്ട് ബലാത്സംഗം ചെയ്ത് കൊലപ്പെടുത്തുകയായിരുന്നു. ആ വര്‍ഷം നവംബറില്‍ തന്നെ കേസിന്റെ വിധിയും വന്നു. പല വകുപ്പുകളില്‍ 2,0100 രൂപ നഷ്ടപരിഹാരം നല്‍കാനും കോടതി വിധിച്ചിരുന്നു. കേസില്‍ 86 സാക്ഷികളെയായിരുന്നു പ്രൊസിക്യൂഷന്‍ വിസ്തരിച്ചത്.
Latest
കെഎസ്ഇബി മുന്നറിയിപ്പില്ലാതെ വൈദ്യുതി വിച്ഛേദിച്ചു ; കോഴിഫാമിലെ 1500 കോഴികള്‍ ചത്തതായി പരാതി
മഹാരാഷ്ട്ര സഹകരണബേങ്ക് തട്ടിപ്പ്; അജിത്പവാറിന് ക്ലീന്‍ചിറ്റ് നല്‍കി അന്വേഷണ സംഘം
പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച 65കാരന്‍ അറസ്റ്റില്‍
മണിപ്പൂരില്‍ വീണ്ടും സ്‌ഫോടനം; പാലം തകര്‍ന്നു, പരുക്കോ മരണമോ റിപ്പോര്‍ട്ട് ചെയ്തിട്ടില്ല
വൈദ്യപരിശോധനയ്ക്ക് എത്തിച്ചപ്പോള്‍ പോലീസ് കസ്റ്റഡിയില്‍ നിന്നും ഓടി രക്ഷപ്പെട്ട പ്രതി രണ്ട് ദിവസത്തിന് ശേഷം കീഴടങ്ങി
രാഷ്ട്രീയ പാരമ്പര്യമാണ് അന്‍വര്‍ ഉദ്ദേശിച്ചത് ജൈവപരമായി കാണേണ്ടതില്ല; എംവി ഗോവിന്ദന്‍
