National
വ്യാജ അഭിപ്രായ വോട്ടെടുപ്പുകള്‍; നടപടിയെടുക്കാന്‍ കേന്ദ്രത്തിന് നിര്‍ദേശം
ന്യൂഡല്‍ഹി: തിരഞ്ഞെടുപ്പ് സര്‍വേകളില്‍ വ്യാപക ക്രമക്കേടുകള്‍ നടക്കുന്ന പശ്ചാത്തലത്തില്‍ നടപടിയെടുക്കാന്‍ കേന്ദ്ര സര്‍ക്കാറിന് തിരഞ്ഞെടുപ്പ് കമ്മീഷന്റെ നിര്‍ദേശം. കോണ്‍ഗ്രസ് നല്‍കിയ പരാതിയെ തുടര്‍ന്നാണ് ഈ നീക്കം. വന്‍തോതില്‍ ഫണ്ട് വാങ്ങി വ്യാജ സര്‍വേകള്‍ നടത്തി തെറ്റായ വാര്‍ത്തകളും വിശകലനങ്ങളും പ്രസിദ്ധീകരിക്കുന്ന ഏര്‍പ്പാട് പരിശോധിക്കാനാണ് വിവര, പ്രക്ഷേപണ, കോര്‍പ്പറേറ്റ് മന്ത്രാലയങ്ങള്‍ക്ക് തിരഞ്ഞെടുപ്പ് കമ്മീഷന്‍ പ്രിന്‍സിപ്പല്‍ സെക്രട്ടറി കെ അജയകുമാര്‍ കത്തെഴുതിയത്.
ചില ഏജന്‍സികളുടെ അഭിപ്രായ സര്‍വേകളുടെ ഫലത്തില്‍ ക്രമക്കേട് വരുത്തുന്നതായി ഒരു ദേശീയ ചാനല്‍ നടത്തിയ ഒളിക്യാമറാ ഓപറേഷനില്‍ കണ്ടെത്തിയിരുന്നു. ഇതിനെ തുടര്‍ന്നാണ് ക്രിമിനല്‍ കുറ്റങ്ങള്‍ ചുമത്തി കേസ് രജിസ്റ്റര്‍ ചെയ്യുകയും ക്രമക്കേട് നടത്തിയ ഏജന്‍സികളെ നിരോധിക്കുകയും വേണമെന്ന് കോണ്‍ഗ്രസ് പരാതി നല്‍കിയത്. ഏജന്‍സികള്‍ പണം വാങ്ങിയാണ് സര്‍വേകളുടെ ഫലത്തില്‍ മാറ്റം വരുത്തുന്നതെന്നാണ് ആരോപണം.
Latest
തെലങ്കാനയിൽ എട്ടുവർഷമായി നിർമാണത്തിലിരുന്ന പാലം കനത്ത കാറ്റില്‍ തകര്‍ന്നുവീണു
നരേന്ദ്ര മോദി ഒരു പെറ്റി പൊളിറ്റീഷ്യന്‍; മല്ലികാര്‍ജുന്‍ ഖര്‍ഗെ
സംസ്ഥാനത്ത് സ്വര്‍ണവില വീണ്ടും ഉയര്‍ന്നു
എന്റെ അമ്മ അവരുടെ താലിമാല രാജ്യത്തിനു വേണ്ടി ത്യജിച്ചു, മുത്തശ്ശി സ്വര്‍ണാഭരണങ്ങള്‍ സമര്‍പ്പിച്ചു; മോദിക്ക് പ്രിയങ്കയുടെ മറുപടി
റൊട്ടി തീർന്നതിനെച്ചൊല്ലി തർക്കം; സഹോദരിയുമായി വഴക്കിട്ട 22കാരനെ യുവാവ് കൊലപ്പെടുത്തി
മദ്യനയ അഴിമതിക്കേസ്; കെജ്‌രിവാളിന്റെ അപ്പിലീല്‍ ഇഡി ഇന്ന് സുപ്രീംകോടതിയില്‍ മറുപടി സത്യവാങ്മൂലം നല്‍കും
