Business
സൗജന്യ എ ടി എം ഇടപാട് പരിമിതപ്പെടുത്തി എസ് ബി ഐ നിയമങ്ങള്‍ പരിഷ്‌കരിച്ചു
മുംബൈ: നിക്ഷേപകരുടെ എക്കൗണ്ട് ബാലന്‍സിന്റെ അടിസ്ഥാനത്തില്‍ എ ടി എം സേവനങ്ങള്‍ പരിഷ്‌കരിക്കാന്‍ സ്റ്റേറ്റ് ബാങ്ക് ഓഫ് ഇന്ത്യ തീരുമാനിച്ചു. ശരാശരി 25000 രൂപക്ക് മുകളില്‍ ബാലന്‍സ് സൂക്ഷിക്കുന്നവര്‍ക്ക് സ്വന്തം എ ടി എമ്മുകളില്‍ ഇടപാടിന് പരിധിയില്ല. അഞ്ച് മെട്രോ നഗരങ്ങളിലെ മറ്റുബാങ്കുകളുടെ എ ടി എമ്മുകളില്‍ നിന്ന് മൂന്ന് തവണയും മറ്റു നഗരങ്ങളിലുള്ള എ ടി എമ്മുകളില്‍ നിന്ന് അഞ്ച് തവണയും ഇടപാട് നടത്താം. ന്യൂഡല്‍ഹി, ചെന്നൈ, കൊല്‍ക്കത്ത, ബംഗളൂരൂ, ഹൈദരാബാദ് എന്നിവയാണ് മെട്രോ നഗരങ്ങള്‍.
25000 രൂപക്ക് താഴെ ബാലന്‍സുള്ള നിക്ഷേപകര്‍ക്ക് സ്വന്തം എ ടി എമ്മുകളില്‍ അഞ്ച് തവണ മാത്രമേ സൗജന്യ ഇടപാടുകള്‍ നടത്താനാവു. ഇവര്‍ക്ക് മറ്റു ബാങ്കുകളുടെ എ ടി എമ്മുകളില്‍ മെട്രോ നഗരങ്ങളിലാണെങ്കില്‍ മൂന്ന് തവണയും ചെറിയ നഗരങ്ങളില്‍ അഞ്ച് തവണയും ഇടപാട് നടത്താം.
ശരാശരി ഒരു ലക്ഷത്തിലധികം രൂപയുടെ ബാലന്‍സ് സൂക്ഷിക്കുന്നവര്‍ക്ക് സ്വന്തം എ ടി എമ്മുകളിലും മറ്റു ബാങ്കുകളുടെ എ ടി എമ്മുകളിലും പരിധിയില്ലാതെ പണമിടപാട് നടത്താം. സൗജന്യ എ ടി എം സേവനങ്ങള്‍ക്ക് പരിധി നിശ്ചയിക്കണമെന്ന റിസര്‍വ് ബാങ്ക് നിര്‍ദേശത്തെ തുടര്‍ന്നാണ് എസ് ബി ഐ നിയമങ്ങള്‍ പരിഷ്‌കരിച്ചത്. പുതിയ നിബന്ധനകള്‍ നവംബര്‍ ഒന്ന് മുതല്‍ നിലവില്‍ വരും.
Latest
ദുബൈയില് കനത്ത മഴ ദിവസത്തെ ട്രാഫിക് പിഴകള് റദ്ദാക്കും
ദീർഘദൂര ശേഷിയുള്ള 30 വൈഡ് ബോഡി വിമാനങ്ങൾ ഓർഡർ ചെയ്ത് ഇൻഡിഗോ
ഷാര്ജയിലെ എല്ലാ റോഡുകളും തുറന്നു
വ്യാജ സ്വദേശിവത്കരണം; 1,320 സ്ഥാപനങ്ങള്ക്കെതിരെ നടപടി
തിരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന് വാഹനാപകടത്തില് മരിച്ചു
ഒമാനിലെ വാഹനാപകടം ; മലയാളി നഴ്സുമാരുള്പ്പെടെ മൂന്ന് മരണം
