National
വ്യാപം അഴിമതിക്കേസ്: വീണ്ടും ദുരൂഹ മരണം
ഭോപ്പാല്‍: വ്യാപം അഴിമതിക്കേസില്‍ വീണ്ടും ദുരൂഹ മരണം. ട്രെയ്‌നി പോലീസ് ഇന്‍സ്‌പെക്ടര്‍ അനാമിക കുശ്‌വാഹിനെയാണ് മരിച്ച നിലയില്‍ കണ്ടെത്തിയത്. കേസുമായി ബന്ധപ്പെട്ട് കഴിഞ്ഞ 48 മണിക്കൂറിനുള്ളില്‍ ദുരൂഹ സാഹചര്യത്തില്‍ മരണപ്പെടുന്ന മൂന്നാമത്തെ വ്യക്തിയാണ് അനാമിക. അനാമികയുടെ മൃതദേഹം ഒരു കുളത്തില്‍ നിന്നാണ് കണ്ടെത്തിയത്. ഫെബ്രുവരിയില്‍ സെലക്ഷന്‍ നേടിയ ഇവര്‍ സാഗര്‍ പോലീസ് അക്കാദമി ഹോസ്റ്റലിലായിരുന്നു താമസം.
കേസിന്റെ വിവരങ്ങള്‍ ശേഖരിച്ച മാധ്യമപ്രവര്‍ത്തകന്‍ അക്ഷയ് സിംഗ്, കേസ് അന്വേഷിക്കുന്ന കോളേജ് ഡീന്‍ ഡോ. അരുണ്‍ ശര്‍മ എന്നിവര്‍ കഴിഞ്ഞ ദിവസം ദുരൂഹ സാഹചര്യത്തില്‍ മരണപ്പെട്ടിരുന്നു.
മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാന്‍ അടക്കം പ്രമുഖര്‍ പ്രതിയായ കേസാണ് വ്യാപം അഴിമതിക്കേസ്. കേസുമായി ബന്ധപ്പെട്ട് ഇതുവരെ 25 പേര്‍ കൊല്ലപ്പെട്ടുവെന്നാണ് പ്രത്യേക അന്വേഷണ സംഘം കോടതിയില്‍ നല്‍കിയിട്ടുള്ള റിപ്പോര്‍ട്ട് പറയുന്നത്. എന്നാല്‍ അനൗദ്യോഗിക കണക്ക് പ്രകാരം 45 പേര്‍ ഇതുവരെ ദുരൂഹ സാഹചര്യത്തില്‍ മരണപ്പെട്ടിട്ടുണ്ട്.
അതിനിടെ വ്യാപം കേസ് അന്വേഷണം സി ബി ഐക്ക് വിടണമെന്ന കോണ്‍ഗ്രസ് ആവശ്യം മുഖ്യമന്ത്രി ശിവരാജ് ചൗഹാന്‍ തള്ളി. അക്ഷയ് സിംഗിന്റെ മരണത്തെ കുറിച്ച് എസ് ഐ ടി വിശദമായി അന്വേഷിക്കുമെന്ന് ചൗഹാന്‍ പറഞ്ഞു.
Latest
യുവജനക്കരുത്തിന്റെ വിളംബരമായി എസ് വൈ എസ് പ്ലാറ്റിയൂണ്‍ അസംബ്ലി
കെ ഫോണിന് ഏഷ്യന്‍ ടെലികോമിന്റെ ഇന്‍ഫ്രാസ്ട്രക്ചര്‍ ഇനിഷ്യേറ്റീവ് ഓഫ് ദ ഇയര്‍ പുരസ്‌കാരം
മഷി പുരളാന്‍ ഇനി ആറുനാള്‍; സംസ്ഥാനത്ത് ഉപയോഗിക്കുക 63,100 കുപ്പി വോട്ടുമഷി
വിദ്വേഷ രാഷ്ട്രീയത്തെ സ്‌നേഹം കൊണ്ട് തോല്‍പ്പിക്കുക: കാന്തപുരം
ആരവത്തിലലിഞ്ഞ് പതിനായിരങ്ങള്‍; പൂത്തുലഞ്ഞ് തൃശൂര്‍ പൂരം
കല്യാശ്ശേരിയിലെ വോട്ടിംഗ് ക്രമക്കേട്; അഞ്ച് ഉദ്യോഗസ്ഥര്‍ക്ക് സസ്‌പെന്‍ഷന്‍
