Gulf
തടവുകാരെ മോചിപ്പിക്കാന്‍ സ്വര്‍ണ വ്യാപാരിയുടെ സഹായം
ദുബൈ: കടബാധ്യതകള്‍മൂലം ജയിലില്‍ കഴിഞ്ഞിരുന്ന 100 തടവുകാര്‍ക്ക് മോചനം. ഇന്ത്യക്കാരനും പ്യുവര്‍ ഗോള്‍ഡ് ജ്വല്ലേഴ്‌സ് ചെയര്‍മാനുമായ ഫിറോസ് മര്‍ച്ചന്റ് എന്ന സ്വര്‍ണ വ്യാപാരിയുടെ നല്ല മനസാണ് തടവുകാരുടെ മോചനത്തിന് പിന്നില്‍.
ഷാര്‍ജ, അജ്മാന്‍, ഫുജൈറ തുടങ്ങിയ സ്ഥലങ്ങളിലെ ജയിലുകളില്‍ കഴിയുന്ന തടവുകാര്‍ക്കാണ് മോചനം ലഭിക്കുക. ഇതിനായി 3 ലക്ഷം ദിര്‍ഹമാണ് ഫിറോസ് മര്‍ച്ചന്റ് മുടക്കുന്നത്. വീടുവരെ എത്താനുള്ള യാത്രാ ചിലവുകളും എയര്‍ ടിക്കറ്റും ഇതില്‍ ഉള്‍പെടും.
ബംഗ്ലാദേശ്, ഇന്തോനേഷ്യ, ഫിലിപ്പൈന്‍സ്, ഇന്ത്യ, പാക്കിസ്ഥാന്‍, അഫ്ഗാനിസ്ഥാന്‍, ശ്രീലങ്ക തുടങ്ങിയ രാജ്യക്കാര്‍ക്കാണ് മോചനം ലഭിക്കുക. വിദ്യാഭ്യാസത്തിനും ചികില്‍സക്കുമായി പണം കടം വാങ്ങി ജയിലില്‍ അകപ്പെട്ടവരാണ് മോചിതരാകുന്ന തടവുകാര്‍. ഡയറക്ടറേറ്റ് ജനറല്‍ ഓഫ് പ്രിസണ്‍സാണ് തടവുകാരെ തിരഞ്ഞെടുക്കുന്നത്. അവരുടെ ബാധ്യകള്‍ തീര്‍പ്പാക്കാനുള്ള പണം നല്‍കുക മാത്രമാണ് പ്യുവര്‍ ഗോള്‍ഡ് ഗ്രൂപ്പ് ചെയ്യുന്നത്.
2011 മുതലാണ് ഫിറോസ് മര്‍ച്ചന്റ് തടവുകാരുടെ കടബാധ്യത പരിഹരിച്ച് അവരെ മോചിതരാക്കുന്ന കര്‍മപദ്ധതിക്ക് തുടക്കമിട്ടത്. മിഡില്‍ ഈസ്റ്റിലും ഇന്ത്യയിലുമായി 320ഓളം സ്‌റ്റോറുകളാണ് പ്യുവര്‍ ഗോള്‍ഡിനുള്ളത്.
Latest
ആശങ്ക വേണ്ട കരുതലുണ്ട്; വില സ്ഥിരതയാണ് മുന്‍ഗണന: ലുലു ഗ്രൂപ്പ്
ദുരിതബാധിതരുടെ കണ്ണിരൊപ്പാനായി മലയാളി സന്നദ്ധ സംഘങ്ങള്‍ രംഗത്ത്
തങ്ങളെ മറന്ന നാട്ടുകാരോട് പരിഭവം പറഞ്ഞ് പ്രവാസികള്‍: പിന്തുണ അറിയിച്ച് മുഖ്യമന്ത്രി
കേരള സര്‍വകലാശാല പ്രഭാഷണം: ജോണ്‍ ബ്രിട്ടാസ് എം പിയോട് തെരഞ്ഞെടുപ്പ് കമ്മിഷന്‍ വിശദീകരണം തേടി
ജെ എസ് സിദ്ധാര്‍ത്ഥന്റെ മരണം: കേസ് സി ബി ഐ കോടതിയിലേക്ക് മാറ്റി
നവകേരള ബസ് അന്തര്‍ സംസ്ഥാന സര്‍വീസിനായി ഉപയോഗിക്കും
