Gulf
ആര്‍ ടി എ വാട്ടര്‍ ടാക്‌സികള്‍ക്ക് ഓണ്‍ലൈന്‍ ബുക്കിംഗ് ആരംഭിച്ചു
ദുബൈ: വാട്ടര്‍ ടാക്‌സികള്‍ക്ക് ഓണ്‍ലൈന്‍ ബുക്കിംഗ് ആരംഭിച്ചതായി ആര്‍ ടി എ മാര്‍ക്കറ്റിംഗ് ആന്‍ഡ് കോര്‍പറേറ്റ് കമ്മ്യൂണിക്കേഷന്‍ ഡയറക്ടര്‍ മുആസ അല്‍ മറി അറിയിച്ചു. ഏത് സമയത്തും ആര്‍ ടി എയുടെ പോര്‍ട്ടലിലൂടെ വാട്ടര്‍ ടാക്‌സികള്‍ ബുക്ക് ചെയ്യാന്‍ സാധിക്കുമെന്ന് അവര്‍ പറഞ്ഞു. വിവിധ പരിപാടികള്‍ ആസൂത്രണം ചെയ്യുന്ന ഹോട്ടലുകള്‍, വ്യക്തികള്‍ എന്നിവര്‍ക്ക് വാട്ടര്‍ ടാക്‌സികള്‍ അതിഥികള്‍ക്കായി മുന്‍കൂട്ടി ബുക്ക് ചെയ്യാന്‍ സംവിധാനത്തിലൂടെ സാധിക്കും. കാര്‍ണിവല്‍, സമ്മേളനങ്ങള്‍, പ്രദര്‍ശനങ്ങള്‍ എന്നിവക്കായി അതിഥികളായി എത്തുന്നവര്‍, അഢംബര നൗകകളില്‍ അതിഥികളെ സ്വീകരിക്കുന്നവര്‍ എന്നിവര്‍ക്കും ഇത് ഏറെ ഉപകാരപ്പെടുമെന്നാണ് ആര്‍ ടി എ പ്രതീക്ഷിക്കുന്നത്.
ജൈറ്റെക്‌സ്, ദ ബിഗ് 5 എക്‌സ്‌പോ, ദുബൈ ഷോപ്പിംഗ് ഫെസ്റ്റിവല്‍ തുടങ്ങിയ പ്രധാന ആഘോഷങ്ങള്‍ക്കായി അനേകായിരം സന്ദര്‍ശകരാണ് ദുബൈയിലേക്ക് എത്തുന്നത്.
ആര്‍ ടി എയുടെ വെബ്‌സൈറ്റ് വഴി വളരെ എളുപ്പത്തില്‍ രജിസ്റ്റര്‍ ചെയ്യാന്‍ സാധിക്കും. ഓരോ 10 മിനുട്ടും ഇടവിട്ടാണ് വാട്ടര്‍ ടാക്‌സികള്‍ സര്‍വീസ് നടത്തുന്നത്. രാവിലെ 10 മുതല്‍ രാത്രി ഒമ്പത് വരെയാണ് വാട്ടര്‍ ടാക്‌സികളുടെ സര്‍വീസ് സമയം.
Latest
പോളിംഗ് ഡ്യൂട്ടിക്ക് ഹാജരാകാത്ത ഉദ്യോഗസ്ഥരെ കണ്ടെത്തി അറസ്റ്റ് ചെയ്ത് ജോലിക്ക് നിയോഗിക്കും; എറണാകുളം ജില്ലാ കളക്ടര്‍
രാഹുല്‍ ഗാന്ധിക്കെതിരായ അധിക്ഷേപ പരാമര്‍ശം ; പി വി അന്‍വറിനെതിരെ പരാതി
ഓൺലൈൻ തട്ടിപ്പ്; വളപട്ടണം സ്വദേശിയുടെ 37,000 നഷ്ടമായി
കേരളത്തില്‍ ഒരിടത്തും ബിജെപി രണ്ടാം സ്ഥാനത്ത് പോലും എത്തില്ലെന്ന് എംവി ഗോവിന്ദന്‍
ലോക്‌സഭ തിരഞ്ഞെടുപ്പിന് സ്വകാര്യ മേഖലയിലെ ജീവനക്കാര്‍ക്ക് അവധി
കെഎസ്ഇബി മുന്നറിയിപ്പില്ലാതെ വൈദ്യുതി വിച്ഛേദിച്ചു ; കോഴിഫാമിലെ 1500 കോഴികള്‍ ചത്തതായി പരാതി
