Kozhikode
കാലിക്കറ്റ് കലാശാല യൂനിയന്‍: കെ എസ് യു മുന്നണിക്ക് ഹാട്രിക്
തേഞ്ഞിപ്പലം: കാലിക്കറ്റ് സര്‍വകലാശാല വിദ്യാര്‍ഥി യൂനിയന്‍ തിരഞ്ഞെടുപ്പില്‍ കെ എസ് യു- എം എസ് എഫ് സഖ്യത്തിന് വന്‍ ജയം. കെ എസ് യു-എം എസ് എഫ് മുന്നണിയായ യു ഡി എസ് എഫിന്റെ തുടര്‍ച്ചയായ മൂന്നാം വിജയമാണിത്. പത്ത് ജനറല്‍ സീറ്റില്‍ ഏഴെണ്ണം യു ഡി എസ് എഫും മൂന്നെണ്ണം എസ് എഫ് ഐയും നേടി. ചെയര്‍മാനായി കെ എസ് യുവിന്റെ വി എ ആസിഫ് (ഇരിങ്ങാലക്കുട ക്രൈസ്റ്റ് കോളജ്), വൈസ് ചെയര്‍മാനായി എം എസ് എഫിന്റെ കെ ഷമീര്‍ (മുക്കം മണാശ്ശേരി എം എ എം ഒ കോളജ്), ലേഡി വൈസ് ചെയര്‍മാനായി എം എസ് എഫിലെ കെ കെ ജഹാന ഇസ്സത്ത് (കുറ്റിക്കാട്ടൂര്‍ ജലാലിയ വിമന്‍സ് അറബിക് കോളജ്), സെക്രട്ടറിയായി എം എസ് എഫിന്റെ കെ മുഹമ്മദ് ഫവാസ് (കൊണ്ടോട്ടി ഇ എം ഇ എ കോളജ്), ജോയിന്റ് സെക്രട്ടറിയായി കെ എസ് യുവിന്റെ വി വി മുഹമ്മദ് (മണ്ണാര്‍ക്കാട് കല്ലടി എം ഇ എസ് കോളജ്) തിരഞ്ഞെടുക്കപ്പെട്ടു.
ജില്ലാ എക്‌സിക്യൂട്ടീവ് കമ്മിറ്റിയംഗങ്ങള്‍: വയനാട്- എസ് എഫ് ഐയിലെ സിബിന്‍ ബേബി(പനമരം സി എം കോളജ് ഓഫ് ആര്‍ട്‌സ് ആന്റ് സയന്‍സ്), കോഴിക്കോട്- എം എസ് എഫിലെ കെ എം അബ്ദുല്‍സലാം (വടകര എം എച്ച് ഇ എസ് കോളജ് ഓഫ് സയന്‍സ് ആന്റ് ടെക്‌നോളജി), മലപ്പുറം- എം എസ് എഫിലെ ടി യാസിര്‍ (തിരൂര്‍ക്കാട് നസ്ര കോളജ് ഓഫ് ആര്‍ട്‌സ് ആന്റ് സയന്‍സ്), പാലക്കാട്- എസ് എഫ് ഐയിലെ കെ എ പ്രയാണ്‍(മുടവനൂര്‍ ആസ്പയര്‍ കോളജ് ഓഫ് അഡ്വാന്‍സ് സ്റ്റഡീസ്), തൃശൂര്‍- എസ് എഫ് ഐയിലെ കെ വരുണ്‍ ഗോവിന്ദ്(തൃശൂര്‍ കേരളവര്‍മ കോളജ്).
പത്ത് സീറ്റുകളില്‍ മുഴുവന്‍ ജനറല്‍ സീറ്റുകളും രണ്ട് ജില്ലാ പ്രതിനിധികളുമായി ഏഴ് സീറ്റുകളാണ് കെ എസ് യു- എം എസ് എഫ് സഖ്യം നേടിയത്. മൂന്ന് ജില്ലാ പ്രതിനിധികളെ മാത്രമേ എസ് എഫ് ഐക്ക് വിജയിപ്പിക്കാനായുള്ളൂ. 13 വര്‍ഷത്തോളം തുടര്‍ച്ചയായി എസ് എഫ് ഐയുടെ ആധിപത്യത്തിലായിരുന്നു യൂനിയന്‍ ഭരണം. മൂന്ന് വര്‍ഷം മുമ്പാണ് യു ഡി എസ് എഫ് ഭരണം തിരിച്ചുപിടിച്ചത്.
Latest
ഓ അശുതോഷ്...! മുംബൈക്ക് ഒന്പത് റൺസ് ജയം
ന്യൂനപക്ഷ സമുദായങ്ങളുടെ ആരാധനാലയങ്ങള് ആക്രമിക്കുന്നത് അപലപനീയം: കാന്തപുരം തെലങ്കാന മുഖ്യമന്ത്രിക്ക് കത്തയച്ചു
സമസ്ത നൂറാം വാര്ഷികം; ഉന്നത മതകലാലയങ്ങളിലെ അധ്യാപകരുടെ സംഗമം നടത്തും
'ഉത്തരവാദിത്വം മനുഷ്യപ്പറ്റിന്റെ രാഷ്ട്രീയം' എസ് വൈ എസ് പ്ലാറ്റിയൂണ് അസംബ്ലികള്ക്ക് തുടക്കം
പച്ചത്തുരുത്തിലെ വമ്പുറ്റ പോര്
ഗോത്രക്കോട്ടയില് കുന്നോളം പ്രതീക്ഷ
