Kozhikode
ബൈക്കില്‍ ബോംബ് വെച്ച് യുവാവിനെ അപായപ്പെടുത്താന്‍ ശ്രമമെന്ന്
കുറ്റിയാടി: ബൈക്കില്‍ ബോംബ് വെച്ച് യുവാവിനെ അപായപ്പെടുത്താന്‍ ശ്രമം . യൂത്ത് ലീഗ് പ്രവര്‍ത്തകന്‍ കായക്കൊടി ചങ്ങരംകുളത്തെ കാവില്‍ സവാദിന്റെ മോട്ടോര്‍ ബൈക്കിലാണ് രാത്രിയില്‍ പൈപ്പ് ബോംബ് വെച്ചത്. രാവിലെ ബൈക്ക് ഓടിക്കാന്‍ ശ്രമിച്ചപ്പോള്‍ മുന്നോട്ട് നീങ്ങാതായത്തോടെ എന്‍ജിന്‍ ഭാഗത്ത് ശ്രദ്ധിച്ചപ്പോഴാണ് എന്‍ജിനോട് ചേര്‍ന്ന് പൈപ്പ് ബോംബ് കെട്ടി വെച്ചതായി കണ്ടത്. പരിശോധനയില്‍ ഉഗ്ര ശേഷിയുള്ള ബോംബാണ് സ്ഥാപിച്ചതെന്ന് വ്യക്തമായി. കുറ്റിയാടി സ്‌റ്റേഷനില്‍ നിന്നും പോലീസും നാദാപുരത്ത് നിന്നും ബോംബ് സ്‌ക്വാഡും സ്ഥലത്തെത്തി ബോംബ് നിര്‍വീര്യമാക്കി. പോലീസ് കേസെടുത്ത് അന്വേഷണം ആരംഭിച്ചു. അതേസമയം സംശയ സാഹചര്യത്തില്‍ ഒരാളെ സവാദിന്റെ വീടിന് മുമ്പില്‍ കണ്ടതായി പറയുന്നു. ഇയാളുടെ രേഖാ ചിത്രം തയാറാക്കുന്നതുള്‍പ്പെടെയുള്ള നടപടികള്‍ പോലീസ് സ്വീകരിക്കും. ബൈക്കില്‍ ബോംബ് വെച്ച് യുവാവിനെ അപായപ്പെടുത്താന്‍ ശ്രമിച്ച സംഭവത്തില്‍ സമഗ്ര അന്വേഷണം നടത്തണമെന്ന് കായക്കൊടി പഞ്ചായത്ത് യു ഡി എഫ് ചെയര്‍മാന്‍ ഇ അബ്ദുല്‍ അസീസ് മാസ്റ്റര്‍ കണ്‍വീനര്‍ ഒ പി മനോജ് ആവശ്യപ്പെട്ടു.
Latest
വിറാസ് ഗേള്‍സ് ഇന്റര്‍വ്യൂ മെയ് രണ്ടിന്
ദല്ലാള്‍ നന്ദകുമാറില്‍ നിന്ന് പണം വാങ്ങിയിരുന്നു; കൈപ്പറ്റിയത് അക്കൗണ്ട് വഴി: ശോഭ സുരേന്ദ്രന്‍
ട്രെയിനില്‍ വനിതാ ടി ടി ഇക്ക് നേരെ കൈയേറ്റ ശ്രമം; പ്രതിയെ പിടികൂടി
ചങ്ങരംകുളത്ത് യുവാവിനെ റോഡരികില്‍ മരിച്ച നിലയില്‍ കണ്ടെത്തി
കിര്‍ഗിസ്ഥാനില്‍ തണുത്തുറഞ്ഞ വെള്ളച്ചാട്ടത്തില്‍ അകപ്പെട്ട് ഇന്ത്യക്കാരനായ മെഡിക്കല്‍ വിദ്യാര്‍ഥി മരിച്ചു
ഗള്‍ഫ് കര്‍ണാടക രത്ന അവാര്‍ഡുകളുടെ രണ്ടാം പതിപ്പ് സെപ്റ്റംബര്‍ 8-ന് ദുബൈയില്‍
