National
ഐ എസ് റിക്രൂട്ടറെന്ന് കരുതുന്ന വനിത ഹൈദരാബാദില്‍ പിടിയിലായി
ഹൈദരാബാദ്: ഭീകര സംഘടനയായ ഐ എസിന്റെ ഓണ്‍ലൈന്‍ റിക്രൂട്ടര്‍ എന്ന് കരുതുന്ന വനിത ഹൈദരാബാദില്‍ അറസ്റ്റിലായി. നിക്കി ജോസഫ് എന്ന സ്ത്രീയാണ് ഹൈദരാബാദ് വിമാനത്താവളത്തില്‍വെച്ച് സൈബറാബാദ് പോലീസിന്റെ പിടിയിലായത്. എെ എസ് ബന്ധം ആരോപിച്ച് യു എ ഇ നിക്കിയെ ഇന്ത്യയിലേക്ക് നാടുകടത്തുകയായിരുന്നു.
ദുബെെയില്‍ നിന്ന് ഭര്‍ത്താവ് ദേവേന്ദന്‍ ബാത്രയ്ക്കൊപ്പം ഇന്നലെ രാത്രിയാണ് നിക്കി ഹെെദരാബാദിലെത്തിയത്. ദേവേന്ദറിന് മുസ്തഫ എന്നും നിക്കി ജോസഫിന് അഫ്ഷ ജബീന്‍ എന്നും പേരുള്ളതായി പൊലീസ് വൃത്തങ്ങള്‍ പറഞ്ഞു.
ഐ എസ് ബന്ധത്തിന്റെ പേരില്‍ നേരത്തെ അറസ്റ്റിലായ ഹൈദരാബാദ് സ്വദേശി സല്‍മാന്‍ മൊയ്‌നുദ്ദീനുമായി നിക്കിക്ക് അടുത്ത ബന്ധമുണ്ടെന്ന് റിപ്പോര്‍ട്ടുകള്‍ പറയുന്നു. സിറിയയിലേക്ക് കടക്കാനുള്ള ശ്രമത്തിലിടെ ഈ വര്‍ഷം ആദ്യമാണ് സല്‍മാന്‍ അറസ്റ്റിലായത്. ഇയാളെ ചോദ്യം ചെയ്തപ്പോള്‍ യുഎഇയിലുള്ള നിക്കി എന്ന സ്ത്രീയെ കാണാനാണ് താന്‍ പോകുന്നതെന്ന് മൊഴി നല്‍കിയിരുന്നു. ഓണ്‍ലൈനിലൂടെയാണ് താന്‍ നിക്കിയെ പരിചയപ്പെട്ടതെന്നും സല്‍മാന്‍ മൊഴി നല്‍കിയിരുന്നു.
Latest
ഇ വി എമ്മിന്റെ വിശ്വാസ്യത വോട്ടര്‍മാര്‍ക്കും ബോധ്യപ്പെടണം
മണ്ണു നീക്കുന്നതിനിടെ സ്റ്റീല്‍ ബോംബ് കണ്ടെയ്‌നര്‍ കണ്ടെത്തി
ആശങ്ക വേണ്ട കരുതലുണ്ട്; വില സ്ഥിരതയാണ് മുന്‍ഗണന: ലുലു ഗ്രൂപ്പ്
ദുരിതബാധിതരുടെ കണ്ണിരൊപ്പാനായി മലയാളി സന്നദ്ധ സംഘങ്ങള്‍ രംഗത്ത്
തങ്ങളെ മറന്ന നാട്ടുകാരോട് പരിഭവം പറഞ്ഞ് പ്രവാസികള്‍: പിന്തുണ അറിയിച്ച് മുഖ്യമന്ത്രി
കേരള സര്‍വകലാശാല പ്രഭാഷണം: ജോണ്‍ ബ്രിട്ടാസ് എം പിയോട് തെരഞ്ഞെടുപ്പ് കമ്മിഷന്‍ വിശദീകരണം തേടി
