Kerala
മാമലക്കണ്ടത്ത് അധ്യാപകര്‍ക്കായുള്ള വിദ്യാര്‍ത്ഥികളുടെ സമരം വിജയിച്ചു
കൊച്ചി: സ്ഥിരം അധ്യാപകരെ നിയമിക്കാത്തതിനെതിരെ മാമലക്കണ്ടം ഹൈസ്‌കൂളിലെ കുട്ടികള്‍ നടത്തിയ നിരാഹാര സമരം വിജയിച്ചു. സ്‌കൂളിലേക്ക് ആവശ്യമായ അധിക തസ്തികകള്‍ അനുവദിക്കാന്‍ മന്ത്രിസഭായോഗം തീരുമാനിച്ചു. മന്ത്രി കെ സി ജോസഫാണ് ഇക്കാര്യം അറിയിച്ചത്. കോതമംഗലം വിദ്യാഭ്യാസ ഓഫീസില്‍ നടത്തിവന്ന നിരാഹാര സമരം രണ്ടാം ദിവസത്തിലേക്ക് കടന്നതിനിടെയാണ് സര്‍ക്കാര്‍ തീരുമാനം.
അധ്യാപക നിയമനത്തിന് സര്‍ക്കാര്‍ തീരുമാനം വന്നതോടെ കുട്ടികള്‍ നിരാഹാര സമരം പിന്‍വലിച്ചു. സ്‌കൂള്‍ ലീഡര്‍ യദുകൃഷ്ണന്‍, എട്ടാം ക്ലാസ് വിദ്യാര്‍ത്ഥിനി സന്ധ്യ എന്നിവരാണ് സമരം ചെയ്തത്. യു പി സ്‌കൂള്‍ നിലവാരത്തില്‍ നിന്ന് രണ്ട് വര്‍ഷം മുമ്പാണ് ഇത് ഹൈസ്‌കൂളാക്കിയത്. എന്നാല്‍ സ്ഥിരം അധ്യാപകരെ നിയമിക്കാന്‍ സര്‍ക്കാര്‍ തയ്യാറായില്ല. മുഖ്യമന്ത്രിയുള്‍പ്പെടെയുള്ളവര്‍ നല്‍കിയ ഉറപ്പ് ലംഘിക്കപ്പെട്ടതോടെയാണ് വിദ്യാര്‍ത്ഥികള്‍ സമരം ആരംഭിച്ചത്.
Latest
സിഗരറ്റുകളെക്കാള്‍ അപകടകാരിയാണോ ഇ - സിഗരറ്റ്
വിഡി സതീശന്‍ പെരുംനുണയന്‍, എല്ലാ കാര്യത്തിലും സത്യവിരുദ്ധ നിലപാട്; മന്ത്രി വി ശിവന്‍കുട്ടി
ക്ഷേമപെന്‍ഷനുകള്‍ അവകാശമല്ലെന്ന സര്‍ക്കാര്‍ നിലപാടിനെതിരെ സംസ്ഥാന ഭിന്നശേഷി കമ്മിഷണര്‍
പക്ഷിപ്പനി; പഞ്ചായത്ത് തല സമിതികള്‍ കൂടി മേല്‍നടപടികള്‍ സ്വീകരിക്കും: മന്ത്രി വീണ ജോര്‍ജ്
സൗമ്യ വിശ്വനാഥന്‍ കൊലക്കേസ്; പ്രതികള്‍ക്ക് ജാമ്യം നല്‍കിയതിനെതിരെ മാതാവ് സുപ്രീംകോടതിയില്‍
വോട്ടിംഗ് മെഷീനുകള്‍ക്ക് തകരാറുണ്ടെന്ന് വ്യാജവാര്‍ത്ത; ഓണ്‍ലൈന്‍ ചാനലിനെതിരെ കേസ്
