കശുവണ്ടി കോര്‍പ്പറേഷന്‍ ചെയര്‍മാന്‍ സ്ഥാനം ആര്‍ ചന്ദ്രശേഖരന്‍ രാജിവച്ചു

തിരുവനന്തപുരം: കശുവണ്ടി കോര്‍പ്പറേഷന്‍ ചെയര്‍മാന്‍ സ്ഥാനം ആര്‍ ചന്ദ്രശേഖരന്‍ രാജിവച്ചു. എംഡി കെ എ രതീഷിന് അദ്ദേഹം രാജിക്കത്ത് നല്‍കി. കശുവണ്ടി മേഖലയിലെ തൊഴില്‍ പ്രശ്‌നം ചര്‍ച്ച ചെയ്യാന്‍ ആവര്‍ത്തിച്ച് ആവശ്യപ്പെട്ടിട്ടും തയ്യാറായില്ലെന്ന് ചന്ദ്രശേഖരന്‍ ആരോപിച്ചു.
തന്നോട് ഒരുവാക്ക് പോലും ചോദിക്കാതെയാണ് അഡീഷനല്‍ ചീഫ് സെക്രട്ടറി കെ എ എബ്രഹാം ഹൈക്കോടതിയില്‍ റിപ്പോര്‍ട്ട് നല്‍കിയത്. ഡയറക്ടര്‍ ബോര്‍ഡ് അംഗങ്ങളെ കാണാന്‍പോലും അനുവദിക്കാതെ എബ്രഹാം അപമാനിച്ചെന്നും ചന്ദ്രശേഖരന്‍ കുറ്റപ്പെടുത്തി.