Kozhikode
റേഷന്‍ കാര്‍ഡ്: അനര്‍ഹമായി ആനുകൂല്യം പറ്റുന്നവര്‍ക്കെതിരെ നടപടി
കോഴിക്കോട്: നിലവിലുള്ള ബി പി എല്‍ – എ എ വൈ – എ പി എല്‍ (എസ് എസ്.) കാര്‍ഡ് ഉടമകള്‍ തെറ്റായ വിവരങ്ങള്‍ നല്‍കിയും ശരിയായ വിവരങ്ങള്‍ മറച്ചു വെച്ചുകൊണ്ടും അനര്‍ഹമായ ആനുകൂല്യം പറ്റിവരുന്നതായി പരാതികള്‍ ലഭിച്ചുവരുന്നുണ്ടെന്ന് ജില്ലാ സപ്ലൈ ഓഫീസര്‍ അറിയിച്ചു. ഒരേക്കറോ അതില്‍ കൂടുതലോ ഭൂമി സ്വന്തമായുള്ളവര്‍, സര്‍ക്കാര്‍- അര്‍ധസര്‍ക്കാര്‍ – സഹകരണ മേഖലാ ഉദ്യോഗസ്ഥര്‍, അധ്യാപകര്‍, ആദായനികുതി ഒടുക്കുന്നവര്‍, സ്വന്തമായി 1000 ചതുരശ്ര അടിയില്‍ കൂടുതല്‍ വിസ്തീര്‍ണ്ണമുള്ള വീടുള്ളവര്‍, നാലുചക്രവാഹനങ്ങള്‍ സ്വന്തമായുള്ളവര്‍ എന്നിവര്‍ അംഗങ്ങളായുള്ള കാര്‍ഡുടമകള്‍ക്ക് ബി പി എല്‍ -എ എ വൈ പദ്ധതിയില്‍ തുടരാന്‍ അര്‍ഹതയില്ല. ഈ വിഭാഗത്തിലുള്‍പ്പെടുന്ന റേഷന്‍ കാര്‍ഡ് ഉടമകള്‍ ബന്ധപ്പെട്ട സപ്ലൈ ഓഫീസുകളില്‍ ഹാജരായി റേഷന്‍ കാര്‍ഡുകള്‍ എ പി എല്‍ വിഭാഗത്തിലേക്ക് മറ്റേണ്ടതാണ്. ഇത്തരത്തില്‍ തെറ്റായ വിവരങ്ങള്‍ നല്‍കിയോ, വിവരങ്ങള്‍ മറച്ചുവച്ചോ അനര്‍ഹമായി ആനുകൂല്യം പറ്റുന്ന കാര്‍ഡുടമകള്‍ക്കെതിരെ ഇതുവരെ അനര്‍ഹമായി കൈപ്പറ്റിയ ആനുകൂല്യങ്ങള്‍ വസൂലാക്കുന്നതടക്കമുള്ള ശിക്ഷാ നടപടികള്‍ മറ്റൊരു അറീയിപ്പു കൂടാതെ സ്വീകരിക്കുമെന്നും ജില്ലാ സപ്ലൈ ഓഫിസര്‍ അറിയിച്ചു.
Latest
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
ആറ്റിങ്ങല്: ത്രികോണ തരംഗം
ധ്രുവ് റാഠി എന്ന മാധ്യമ പ്രതിപക്ഷം
ഇ വി എമ്മിന്റെ വിശ്വാസ്യത വോട്ടര്മാര്ക്കും ബോധ്യപ്പെടണം
മണ്ണു നീക്കുന്നതിനിടെ സ്റ്റീല് ബോംബ് കണ്ടെയ്നര് കണ്ടെത്തി
