Ongoing News
മാന് ബുക്കര് പുരസ്കാരം ജമൈക്കന് എഴുത്തുകാരന് മര്ലോണ് ജെയിംസിന്
ലണ്ടന്: സാഹിത്യ മേഖലയിലെ പ്രധാന പുരസ്കാരങ്ങളിലൊന്നായ മാന് ബുക്കര് പ്രൈസ് ജൈമക്കന് എഴുത്തുകാരന് മര്ലോണ് ജെയിംസിന്. വിഖ്യത സംഗീതജ്ഞന് ബോബ് മര്ലിയെക്കുറിച്ചുള്ള ” എ ബ്രീഫ് ഹിസ്റ്ററി ഓഫ് സെവന് കില്ലിങ്സ് ” എന്ന പുസ്തകമാണ് പുരസ്കാരത്തിന് അര്ഹമായത്. 1970കളിലെ ബോബ് മര്ലിക്കെതിരെയുള്ള വധശ്രമങ്ങളെ അടിസ്ഥാനമാക്കിയാണ് ഈ കൃതി രചിച്ചത്. പുരസ്കാരം സ്വന്തമാക്കുന്ന ആദ്യ ജമൈക്കക്കാരനാണ് മര്ലോണ് ജെയിംസ്.
ഇന്ത്യന് വംശജനായ ബ്രിട്ടീഷ് എഴുത്തുകാരന് സുന്ജീവ് സഹോട്ടയുടെ “ദ ഇയര് ഓഫ് ദ രണ് എവെയ്സ്” ഉള്പ്പെടെ അഞ്ച് കൃതികളെ പിന്തള്ളിയാണ് ജെയിംസിന്റെ പുസ്തകം തിരഞ്ഞെടുക്കപ്പെട്ടത്. ലണ്ടനിലെ ഗില്ഡ്ഹോളില് നടന്ന ചടങ്ങിലാണ് പുരസ്കാര ജേതാവിനെ പ്രഖ്യാപിച്ചത്. 50000 പൗണ്ടാണ് സമ്മാനത്തുകയായി ലഭിക്കുക. 44 കാരനായ ജെയിംസിന്റെ മൂന്നാമത്തെ പുസ്തകമാണിത്.
---- facebook comment plugin here -----