Kerala
ആര്‍ഭാടങ്ങളില്ലാതെ വി എസിന് 92ാം പിറന്നാള്‍
തിരുവനന്തപുരം: ആര്‍ഭാടങ്ങളില്ലാതെ പ്രതിപക്ഷനേതാവ് വി എസ് അച്യുതാനന്ദന്റെ പിറന്നാള്‍ ആഘോഷം. അതിരാവിലെയുള്ള യോഗക്കും നടത്തം ഉള്‍പ്പെടെയുള്ള വ്യായാമങ്ങള്‍ക്കും ശേഷം പത്രപാരായണം. പതിവുപോലെ രാവിലെ മുതല്‍ നിവേദനങ്ങളുമായി വി എസിനെ കാണാന്‍ സന്ദര്‍ശകരെത്തി. ശമ്പളം ലഭിക്കാത്തതില്‍ പ്രതിഷേധിച്ചു നടത്തുന്ന സമരത്തിന്റെ ഉദ്ഘാടകനായി വി എസിനെ ക്ഷണിക്കാനാണ് എയ്ഡഡ് സ്‌കൂള്‍ അധ്യാപകരെത്തിയത്. പരാതികള്‍ സശ്രദ്ധം കേട്ട ശേഷം ഉദ്ഘാടനത്തിനു വരാമെന്ന് വി എസിന്റെ ഉറപ്പ്. രാവിലെ മുതല്‍ കന്റോണ്‍മെന്റ് ഹൗസില്‍ കാത്തുനിന്ന മാധ്യമപ്രവര്‍ത്തകരെ സാക്ഷി നിര്‍ത്തി ഭാര്യ വസുമതി നല്‍കിയ മധുരം കഴിച്ചു. മാധ്യമപ്രവര്‍ത്തകര്‍ക്കും പായസം നല്‍കാന്‍ പതിവു നിര്‍ദേശം. മക്കള്‍ക്കും ചെറുമക്കള്‍ക്കുമൊപ്പം ഉച്ചയൂണ്. ഇത്രയിലുമൊതുങ്ങി പ്രതിപക്ഷനേതാവിന്റെ പിറന്നാള്‍ ആഘോഷം. കോണ്‍ഗ്രസ് പ്രവര്‍ത്തക സമിതി അംഗം എ കെ ആന്റണി അടക്കം നിരവധി പ്രമുഖര്‍ ഫോണിലൂടെ വി എസിന് പിറന്നാള്‍ ആശംസകള്‍ നേര്‍ന്നു.
Latest
വിദ്വേഷ രാഷ്ട്രീയത്തെ സ്‌നേഹം കൊണ്ട് തോല്‍പ്പിക്കുക: കാന്തപുരം
ആരവത്തിലലിഞ്ഞ് പതിനായിരങ്ങള്‍; പൂത്തുലഞ്ഞ് തൃശൂര്‍ പൂരം
കല്യാശ്ശേരിയിലെ വോട്ടിംഗ് ക്രമക്കേട്; അഞ്ച് ഉദ്യോഗസ്ഥര്‍ക്ക് സസ്‌പെന്‍ഷന്‍
പൂഞ്ഞാറില്‍ ഇ വി എമ്മില്‍ നിന്നും അധിക സ്ലിപ്പ് ലഭിച്ചതില്‍ പിഴവ് ഇല്ല: ജില്ലാ കലക്ടര്‍
അറബ് റിപബ്ലിക് ഓഫ് ഈജിപ്ത് അതിഥി രാജ്യം; അബൂദബി അന്താരാഷ്ട്ര പുസ്തകമേള 29 മുതല്‍
ഫിലിപ്പൈന്‍സിന് ബ്രഹ്മോസ് സൂപ്പര്‍സോണിക് ക്രൂയിസ് മിസൈലുകള്‍ കൈമാറി ഇന്ത്യ
