Wayanad
മാനന്തവാടി നഗരസഭയിലെ വിജയികളെ ഇന്ന് പ്രവചിക്കും
മാനന്തവാടി: മാനന്തവാടി നഗരസഭ കൗണ്‍സിലിലേക്കുളള തിരഞ്ഞെടുപ്പിലെ വിജയികളെ ഞായറാഴ്ച പ്രവചിക്കും. മാനന്തവാടി പ്രസ് ഫോറവും ഗ്രാന്‍ഡ് ഡ്രേപ് എന്റര്‍ടെയ്ന്‍മെന്റും ചേര്‍ന്നാണ് വ്യത്യസ്തമായ പരിപാടി ഒരുക്കുന്നത്.
ഞായറാഴ്ച 12 മണിക്ക് പ്രസ് ഫോറത്തില്‍ നടക്കുന്ന ചടങ്ങില്‍ 36 ഡിവിഷനുകളിലെയും വിജയികളെയും വിജയ വാര്‍ത്ത പ്രസിദ്ധീകരിക്കുന്ന പ്രമുഖ ദിനപത്രങ്ങളുടെ നവംബര്‍ എട്ടിലെ തലക്കെട്ടുമാണ് യുവ മാന്ത്രികന്‍ മഹേഷ് വയനാട് പ്രവചിക്കുക. ഫലവും തലക്കെട്ടുകളും അടങ്ങുന്ന പേപ്പര്‍ സീല്‍ ചെയ്ത് പെട്ടിയിലാക്കി താഴുകൊണ്ട് പൂട്ടി അലമാരയില്‍ സൂക്ഷിക്കും. പെട്ടി പൂട്ടുന്നതിന് സബ് കലക്ടര്‍ ശീറാം സാംബശിവ റാവു, സി.ഐ കെ.കെ. അബ്ദുള്‍ ഷരീഫ്, എസ്.ഐ വിനോദ് വലിയാറ്റൂര്‍, യുഡിഎഫ്, എല്‍ഡിഎഫ്, ബിജെപി നേതാക്കള്‍ തുടങ്ങിയവര്‍ സാക്ഷികളാകും.
താക്കോല്‍ സബ് കലക്ടര്‍ തന്നെ സൂക്ഷിക്കും. നവംബര്‍ എട്ടിന് ഉച്ചക്ക് 12ന് വിശിഷ്ട വ്യക്തികളെയും പൗരസമൂഹത്തെയും സാക്ഷിയാക്കി സബ് കലക്ടര്‍ പെട്ടി തുറന്ന് ഞായറാഴ്ച നിക്ഷേപിക്കുന്ന ഫലം വായിക്കും. തിരഞ്ഞെടുപ്പ് കൗതുകത്തോടൊപ്പം മാജിക് എന്ന കലയുടെ പ്രോത്സാഹനത്തിന് കൂടിയാണ് പ്രവചന പരിപാടി നടത്തുന്നതെന്ന് പ്രസ് ഫോറം പ്രസിഡന്റ് കെ.എം. ഷിനോജ്, സെക്രട്ടറി എ. ഷമീര്‍, ഗ്രാന്‍ഡ് ഡ്രേപ് എന്റര്‍ടെയിന്‍മെന്റ് ഡയറക്ടര്‍ ഫിറോസ് ഖാന്‍ എന്നിവര്‍ അറിയിച്ചു.
Latest
പത്തനംതിട്ടയില്‍ കാണാതായ ഇതര സംസ്ഥാന തൊഴിലാളികളുടെ പെണ്‍കുട്ടികളെ മണിക്കൂറുകള്‍ക്കകം കണ്ടെത്തി പോലീസ്
അട്ടപ്പാടിയില്‍ വീണ്ടും ആദിവാസി ശിശുമരണം; ഏഴുമാസം പ്രായമുള്ള കുഞ്ഞ് ശ്വാസംമുട്ടലിനെ തുടര്‍ന്ന് മരിച്ചു
പയ്യോളിയില്‍ കാര്‍ ലോറിയില്‍ ഇടിച്ച് അപകടം; രണ്ട് മരണം
ടൂറിസ്റ്റ് ബസും കാറും കൂട്ടിയിടിച്ചുണ്ടായ അപകടത്തില്‍ യുവാവ് മരിച്ചു
വടം കഴുത്തില്‍ കുരുങ്ങി സ്‌കൂട്ടര്‍ യാത്രികന്‍ മരിച്ച സംഭവം; പോസ്റ്റ്മോര്‍ട്ടം വിവരങ്ങള്‍ ഇന്ന് പുറത്ത് വരും
രാഹുല്‍ ഗാന്ധി ഇന്ന് മലപ്പുറത്ത് ; ഏറനാട്, നിലമ്പൂര്‍,വണ്ടൂര്‍ നിയമസഭ മണ്ഡലങ്ങളില്‍ റോഡ് ഷോ
