Gulf
യു എ ഇ മുന്‍നിരക്കാര്‍; 44 പ്രതിഭകളെ ആദരിച്ചു
പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാശിദ് അല്‍ മക്തൂം എത്തുന്നു
ദുബൈ: വിവിധ മേഖലകളില്‍ രാജ്യത്തിന് നിസ്തുല സേവനമര്‍പിച്ച 44 വ്യക്തിത്വങ്ങളെ ദുബൈയില്‍ ആദരിച്ചു. യു എ ഇ പയനീര്‍സ് എന്ന പേരിലുള്ള ആദരിക്കല്‍ ചടങ്ങ് ജുമൈറ മിന സലാമില്‍ യു എ ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാശിദ് അല്‍ മക്തൂമിന്റെ നേതൃത്വത്തിലാണ് നടന്നത്. രണ്ടാമത് എഡിഷനാണ് ഇന്നലെ നടന്നത്. യു എ ഇ സമൂഹത്തിന് വിദ്യാഭ്യാസം, ആരോഗ്യം, കണ്ടുപിടുത്തം, സാങ്കേതികം, കായികം, കല, സാംസ്‌കാരികം തുടങ്ങി വിവിധ മേഖലകളില്‍ മികച്ച സംഭാവനകള്‍ നല്‍കിയവരെയാണ് ആദരിച്ചത്. 44-ാമത് ദേശീയ ദിനത്തിന്റെ മുന്നോടിയായാണ് പരിപാടികള്‍ ഒരുക്കിയത്.
ദുബൈ കിരീടാവകാശി ശൈഖ് ഹംദാന്‍ ബിന്‍ മുഹമ്മദ് ബിന്‍ റാശിദ് അല്‍ മക്തൂമും നിരവധി ഉന്നത വ്യക്തിത്വങ്ങളും പങ്കെടുത്തു.
ആദരിക്കപ്പെട്ട വ്യക്തിത്വങ്ങള്‍:
അഹ്മദ് ഖലീഫ അല്‍ സുവൈദി: യു എ ഇ രൂപീകൃതമായ ശേഷമുള്ള ആദ്യ മന്ത്രിസഭയിലെ വിദേശകാര്യമന്ത്രി.
ശൈഖ ബുദൂര്‍ അല്‍ ഖാസിമി: ഇന്റര്‍നാഷണല്‍ പബ്ലിഷിംഗ് പാനലിലെ ആദ്യ അറബ് വനിത.
ജുമാ അല്‍ മാജിദ്: കൈയെഴുത്ത് പ്രതികള്‍ സംരക്ഷിക്കുന്നതിന് യു എ ഇയിലെ ആദ്യകേന്ദ്രം തുടങ്ങിയ വ്യക്തി.
അലി ബു ജാസിം: ആദ്യ അന്തര്‍ദേശീയ റഫറി.
ഹസ്സ ലൂത്ത: ആദ്യ ടെലിവിഷന്‍ ഡയറക്ടറായ വനിത.
അഹ്മദ് ഉബൈദ് അല്‍ മസ്‌റൂഈ: ആദ്യ റേഡിയോ അവതാരകന്‍.
ഡോ. സൈനബ് അബ്ദുല്‍ ഖാസിം: ആദ്യ ഗൈനക്കോളജി ഡോക്ടര്‍.
ഫാത്വിമ അല്‍ കഅബി: ഏറ്റവും കുറഞ്ഞ പ്രായമുള്ള ശാസ്ത്രജ്ഞ.
സാലം ഇബ്‌റാഹീം മുഹമ്മദ് ബിന്‍ ദര്‍വീശ്: ആദ്യ അധ്യാപകന്‍.
അബ്ദുല്‍ വഹാബ് അല്‍ ദിവാനി: ആദ്യ കപ്പിത്താന്‍.
അഹ്മദ് മുഖ്താര്‍: ബ്രെയ്‌ലി ലിപിയില്‍ പഠിപ്പിച്ച ആദ്യ അധ്യാപകന്‍ തുടങ്ങി വ്യത്യസ്ത മേഖലയില്‍ മികവ് തെളിയിച്ച വ്യക്തിത്വങ്ങളെയാണ് ആദരിച്ചത്.
Latest
ഹോര്‍ലിക്‌സ് ഇനി ഫംഗ്ഷണല്‍ ന്യൂട്രീഷ്യന്‍ ഡ്രിങ്ക്സ്; ഹിന്ദുസ്ഥാന്‍ യൂണിലിവര്‍
മുബൈയില്‍ രണ്ടു കുട്ടികളെ കാറില്‍ മരിച്ച നിലയില്‍ കണ്ടെത്തി
പൂക്കോട് വെറ്ററിനറി സര്‍വ്വകലാശാല മുന്‍വിസിയുടെ സസ്‌പെന്‍ഷന്‍; ഗവര്‍ണറുടെ നടപടി ശരിവച്ച് ഹൈക്കോടതി
ഇപി ജയരാജന്‍ ബിജെപിയിലേക്ക് പോകാന്‍ ചര്‍ച്ച നടത്തി ; ആരോപണവുമായി കെ സുധാകരന്‍
വിദ്വേഷ പ്രസംഗം; പ്രധാനമന്ത്രി നരേന്ദ്രമോദിയോട് തിരഞ്ഞെടുപ്പ് കമ്മീഷന്‍ വിശദീകരണം തേടി
മാസപ്പടി കേസ്; മുഖ്യമന്ത്രിയുടെ പങ്ക് വ്യക്തമാക്കുന്ന തെളിവുകള്‍ ഹാജരാക്കാതെ മാത്യു കുഴല്‍നാടന്‍
