Kerala
പാറ്റൂര്‍ ഭൂമിയിടപാട്: വി എസ് മുഖ്യമന്ത്രിക്കെതിരെ കോടതിയില്‍
തിരുവനന്തപുരം: പാറ്റൂര്‍ ഭൂമിയിടപാടില്‍ മുഖ്യമന്ത്രി ഉമ്മന്‍ചാണ്ടിക്കെതിരെ പ്രതിപക്ഷ നേതാവ് വി എസ് അച്യുതാനന്ദന്‍ കോടതിയില്‍. ഭൂമിയിടപാടില്‍ മുഖ്യമന്ത്രിക്കെതിരെ അന്വേഷണത്തിന് ഉത്തരവിടണമെന്നാവശ്യപ്പെട്ട് വി എസ് പരാതി നല്‍കി. കോടതിയില്‍ നേരിട്ടെത്തിയാണ് വി എസ് ഹരജി നല്‍കിയത്. വി എസ് നല്‍കിയ കേസ് തിരുവനന്തപുരം വിജിലന്‍സ് കോടതി ഫയലില്‍ സ്വീകരിച്ചു. കേസില്‍ ഡിസംബര്‍ 30ന് കോടതി വാദം കേള്‍ക്കും.
പാറ്റൂര്‍ ഭൂമി സംബന്ധിച്ച ഫയലില്‍ മുഖ്യമന്ത്രി സ്വീകരിച്ച നിലപാടുകള്‍ ചൂണ്ടിക്കാട്ടിയാണ് ഹര്‍ജി നല്‍കിയത്. പാറ്റൂരില്‍ അധികൃതമായി നിര്‍മ്മിച്ച ഫ്ളാറ്റിന്റെ 16 സെന്റ് ഭൂമി സര്‍ക്കാര്‍ ഭൂമിയാണെന്ന് സര്‍ക്കാര്‍ സമ്മതിച്ചിട്ടുണ്ട്. വാട്ടര്‍ അതോറിറ്റി അറിയാതെയാണ് ഈ ഭൂമിയിയിലുണ്ടായിരുന്ന കുടിവെള്ള പൈപ്പുകള്‍ മാറ്റി സ്ഥാപിച്ചത്. ഇക്കാര്യവും സര്‍ക്കാര്‍ സമ്മതിച്ചിട്ടുണ്ട്.
നിയമവിരുദ്ധമായ ഈ രണ്ട് കാര്യത്തിലും നടപടിയെടുക്കണമെന്ന ഫയല്‍ മുഖ്യമന്ത്രി ഇടപെട്ട് മരവിപ്പിക്കുകയായിരുന്നു. ഫ്ളാറ്റ് ഉടമകളെ സഹായിക്കാനുള്ള മുഖ്യമന്ത്രിയുടെ നേരിട്ടുള്ള ഇടപെടലാണ് ഇതെന്ന് കോടതിയെ ബോധിപ്പിക്കാനും നിയമനടപടി സ്വീകരിക്കാനുമാണ് കോടതിയെ സമീപിച്ചതെന്ന് ഹരജി നല്‍കിയതിനുശേഷം വിഎസ് മാധ്യമങ്ങളോട് പറഞ്ഞു.
Latest
കണ്ണൂരില്‍ വീണ്ടും ബോംബ് ശേഖരം പിടികൂടി
അല്‍ ബദര്‍ അവാര്‍ഡ് മൂന്നാം പതിപ്പ്; ഒക്ടോബര്‍ 15 വരെ എന്‍ട്രി സമര്‍പ്പിക്കാം
തിരഞ്ഞെടുപ്പിന് ഇനി ഒരുനാള്‍ കൂടി മാത്രം; ഇന്ന് കൊട്ടിക്കലാശം
വയനാട് കമ്പമലയില്‍ വീണ്ടും മാവോയിസ്റ്റ് സാന്നിധ്യം; തിരഞ്ഞെടുപ്പ് ബഹിഷ്‌കരിക്കാന്‍ ആവശ്യപ്പെട്ടു
നിമിഷപ്രിയയെ കാണാന്‍ മാതാവിന് അനുമതി; 11 വര്‍ഷങ്ങള്‍ക്കു ശേഷമുള്ള കൂടിക്കാഴ്ച
അബ്ദുർറഹീമിന്റെ മോചനം; പണം കൈമാറാനുള്ള നടപടി പുരോഗമിക്കുന്നു
