Kozhikode
താമരശ്ശേരിയില്‍ ബസിനടിയില്‍പെട്ട് വിദ്യാര്‍ഥി മരിച്ചു
താമരശ്ശേരി: ബൈക്ക് യാത്രക്കാരനായ വിദ്യാര്‍ത്ഥി സ്‌കൂള്‍ ബസ്സിനടയില്‍പെട്ട് മരിച്ചു. കട്ടിപ്പാറ ചമല്‍ നിര്‍മല യു പി സ്‌കൂള്‍ ആറാം ക്ലാസ് വിദ്യാര്‍ത്ഥിയും പെരുമ്പള്ളി മലയില്‍ അബ്ദുല്‍ നാസര്‍ മുസ്ലിയാരുടെ മകനുമായ മുഹമ്മദ് റാഷിദ്(12) ആണ് മരിച്ചത്. ഇന്ന് വൈകിട്ട് മൂന്നരയോടെ ചമല്‍ ചുണ്ടേന്‍കുഴിയിലായിരുന്നു അപകടം. സ്‌കൂളില്‍നിന്നും മടങ്ങവെ ഇതുവഴി വന്ന സുഹൃത്തിന്റെ ബൈക്കില്‍കയറിയതായിരുന്നു റാഷിദ്. കട്ടിപ്പാറയില്‍ നടക്കുന്ന താമരശ്ശേരി ഉപജില്ല സ്‌കൂള്‍ കലോത്സവത്തില്‍ പങ്കെടുത്ത വിദ്യാര്‍ത്ഥികളേയുമായി മടങ്ങുകയായിരുന്ന കോടഞ്ചേരി സെന്റ് ജോസഫ് ഹയര്‍സെക്കന്ററി സ്‌കൂള്‍ ബസ്സിനെ മറി കടക്കുന്നതിനിടെ ബസ്സ് ബൈക്കിലിടിക്കുകയായിരുന്നു. ബസ്സിനടിയിലേക്ക് തെറിച്ചു വീണ റാഷിദിന്റെ ദേഹത്തുകൂടെ ബസ്സ് കയറിയിങ്ങിയതായി സംശയിക്കുന്നു. യാത്രക്കാരും നാട്ടുകാരും ഓടിയെത്തി താരമശ്ശേരി താലൂക്കാശുപത്രിയില്‍ എത്തിച്ചെങ്കിലും മരിച്ചിരുന്നു. സുഹൃത്ത് പരുക്കേല്‍ക്കാതെ രക്ഷപ്പെട്ടു. പെരുമ്പള്ളി യൂണിറ്റ് എസ് ബി എസ് ജോ. സെക്രട്ടറിയാണ് മരിച്ച റാഷിദ്. മാതാവ്: നസീറ. സഹോദരങ്ങള്‍: ത്വാഹിറ നസ്‌ലി, ത്വഹാനി, തൗഫില. മയ്യിത്ത് നിസ്‌കാരം ഇന്ന് ഉച്ചയോടെ എലോക്കര ജുമുഅ മസ്ജിദില്‍.
Latest
വോട്ടര്‍മാര്‍ക്ക് പണം വിതരണം ചെയ്യുന്നുവെന്ന രഹസ്യവിവരം; ബിജെപി പ്രവര്‍ത്തകന്‍ കോയമ്പത്തൂരില്‍ അറസ്റ്റില്‍
നടന്‍ സല്‍മാന്‍ ഖാന്റെ വീടിനു നേരെ വെടിവെപ്പ്; ഭയപ്പെടുത്തുക മാത്രമാണ് പ്രതികള്‍ ഉദ്ദേശിച്ചിരുന്നതെന്ന് പോലീസ്
കാസര്‍ഗോഡ്‌ മോക് പോളിനിടെ ബി ജെ പിക്ക് അധിക വോട്ട്: വിഷയത്തില്‍ സുപ്രീംകോടതി ഇടപെട്ടു
സില്‍വര്‍ ലൈന്‍ പദ്ധതി അട്ടിമറിക്കാന്‍ കൈക്കൂലി: വി ഡി സതീശനെതിരെ അന്വേഷണം ആവശ്യപ്പെട്ട ഹര്‍ജി തള്ളി
തിരക്കഥാകൃത്തും ഗ്രന്ഥകാരനുമായ ബല്‍റാം മട്ടന്നൂര്‍ അന്തരിച്ചു
കെ കെ ശൈലജക്കെതിരെ സൈബര്‍ അതിക്രമം: പേരാമ്പ്ര സ്വദേശിക്കെതിരെയും കേസ്
