Kozhikode
എസ് വൈ എസ് മീലാദ് ക്യാമ്പയിന് അന്തിമരൂപമായി
കോഴിക്കോട്: സ്‌നേഹ റസൂല്‍(സ)കാലത്തിന്റെ വെളിച്ചം എന്ന ശീര്‍ഷകത്തില്‍ സംസ്ഥാന വ്യാപകമായി എസ് വൈ എസ് സംഘടിപ്പിക്കുന്ന മീലാദ് ക്യാമ്പയിന്റെ കര്‍മപദ്ധതിക്ക് അന്തിമരൂപമായി.
ഈ മാസം 10 ന് ആരംഭിക്കുന്ന വൈവിധ്യമാര്‍ന്ന പരിപാടികളുടെ ഉദ്ഘാടനം ഈ മാസം 12 ന് പട്ടാമ്പിയില്‍ നടക്കും. സമസ്തയുടെയും എസ് വൈ എസിന്റെയും നേതാക്കള്‍ ഉദ്ഘാടന സമ്മേളനത്തില്‍ സംബന്ധിക്കും. മീലാദ് ക്യാമ്പയിനിന്റെ ഭാഗമായി യൂനിറ്റുകളില്‍ പള്ളികള്‍, മദ്‌റസകള്‍, ഓഫീസുകള്‍, സ്ഥാപനങ്ങള്‍, വാഹനങ്ങള്‍ തുടങ്ങിയവ അലങ്കരിക്കുകയും പൊതുസ്ഥലങ്ങളും മറ്റും ശുചീകരിക്കുകയും ചെയ്യും.
റബീഉല്‍ അവ്വല്‍ 12 വരെ പള്ളികളും ഓഫീസുകളും കേന്ദ്രീകരിച്ചും 12 ന് ശേഷം സര്‍ക്കിള്‍ കേന്ദ്രീകരിച്ചും മൗലിദ് സദസ്സുകള്‍ സംഘടിപ്പിക്കും. പ്രവാചക സന്ദേശം ഉള്‍ക്കൊള്ളുന്ന ലഘുലേഖ വിതരണവും മദ്ഹുര്‍റസൂല്‍ പ്രഭാഷണവും പഠനക്ലാസുകളും യൂനിറ്റുകളില്‍ സംഘടിപ്പിക്കും. സര്‍ക്കിള്‍ പരിധിയിലെ വ്യാപാരികളെയും പ്രമുഖ വ്യക്തികളെയും പങ്കെടുപ്പിച്ച് മീലാദ് ജല്‍സയും സോണ്‍ ഘടകങ്ങളില്‍ വിപുലമായ നബിദിന റാലിയും സംഘടിപ്പിക്കും. സംഘകുടുംബത്തിന്റെ സഹകരണത്തോടെ നടക്കുന്ന മീലാദ് റാലിയില്‍ സോണ്‍ പരിധിയിലുള്ള ബഹുജനങ്ങള്‍ അണിനിരക്കും. ഉദ്യോഗസ്ഥ പ്രമുഖരും വ്യാപാരികളും പ്രൊഫഷനലുകളും പങ്കെടുക്കുന്ന മീലാദ് സദസ്സ് ജില്ലകളില്‍ സംഘടിപ്പിക്കും.
Latest
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
വൈക്കം മഹാദേവക്ഷേത്രക്കുളത്തില്‍ അജ്ഞാത മൃതദേഹം കണ്ടെത്തി
