Wayanad
കാരാപ്പുഴയിലും ബാണാസുരയിലും മത്സ്യബന്ധനത്തിന് അനുമതി
കല്‍പ്പറ്റ: ജില്ലയിലെ പ്രധാന റിസര്‍വോയറുകളായ കാരാപ്പുഴയിലും ബാണാസുരസാഗറിലും മത്സ്യബന്ധനത്തിന് അനുമതി. ജില്ലയിലെ പട്ടികവര്‍ഗ റിസര്‍വോയര്‍ ഫിഷറീസ് സഹകരണ സംഘങ്ങള്‍ക്കാണ് മല്‍സ്യം പിടിക്കാനുള്ള അവകാശം. കാരാപ്പുഴയിലും ബാണാസുരയിലും ഓരോ സംഘങ്ങളാണുള്ളത്.
ഇരു റിസര്‍വോയറുകളിലുമായി 2010 മുതല്‍ ഫിഷറീസ് വകുപ്പ് ദേശീയ മത്സ്യവികസന ബോര്‍ഡിന്റെയും ജില്ലാ മത്സ്യകര്‍ഷക വികസന ഏജന്‍സിയുടെയും ഫണ്ടുപയോഗിച്ച് ലക്ഷക്കണക്കിന് മത്സ്യക്കുഞ്ഞുങ്ങളെ നിക്ഷേപിച്ചിരുന്നു. എന്നാല്‍ ജലസേചനവകുപ്പിന്റെ കൈവശമുള്ള കാരാപ്പുഴയിലും വൈദ്യുതി ബോര്‍ഡിന്റെ ബാണാസുര ഡാമിലും മത്സ്യം പിടിക്കാനുള്ള അനുമതിയില്ലായിരുന്നു.
നെല്ലാറച്ചാല്‍ കേന്ദ്രീകരിച്ച് പ്രവര്‍ത്തിക്കുന്ന പട്ടികവര്‍ഗ ഫിഷറീസ് സംഘം മത്സ്യബന്ധനം നടത്തി ഉപജീവനം നടത്തുന്നുണ്ടെങ്കിലും അതിനു നിയമപരിരക്ഷ ലഭിക്കുന്നത് ഇപ്പോഴാണ്.
റിസര്‍വോയറില്‍നിന്ന് മത്സ്യബന്ധനാനുമതി ലഭിക്കാത്തതിനാല്‍ പുതിയ പ്രൊജക്ടുകള്‍ നടപ്പാക്കാനും സാധിച്ചിരുന്നില്ല.
ആഴമേറിയ ജലാശയങ്ങളില്‍ കൂടു മത്സ്യകൃഷിക്ക് പ്രചാരമേറി വരികയാണ്. കൂടുകളിലെ മത്സ്യകൃഷി പൊതുജനങ്ങള്‍ക്കും വിനോദസഞ്ചാരികള്‍ക്കും പരിചയപ്പെടുത്താന്‍ അടുത്തമാസം മുതല്‍ പൂക്കോട് തടാകത്തില്‍ 10 കൂടുകളുള്ള ഒരു യൂണിറ്റ് തുടങ്ങുമെന്ന് ഫിഷറീസ് അസിസ്റ്റന്റ് ഡയറക്ടര്‍ ബി.കെ. സുധീര്‍ കിഷന്‍ പറഞ്ഞു.
കടല്‍മത്സ്യത്തിന്റെ ലഭ്യത കുറഞ്ഞുവരുന്ന സാഹചര്യത്തില്‍ ഉള്‍നാടന്‍ മത്സ്യത്തിന് ഭാവിയില്‍ വന്‍ സാധ്യതയാണുള്ളത്. കൂടാതെ പട്ടികവര്‍ഗ വികസന വകുപ്പിന്റെ സഹായധനത്തോടെ മത്സ്യക്കുഞ്ഞ് ഉത്പാദനവും സംഭരണവുമടക്കമുള്ള വിവിധ പദ്ധതികളും നടപ്പാക്കാനാവും. വിനോദസഞ്ചാര കേന്ദ്രങ്ങളായ ഇരുഡാമുകള്‍ക്ക് സമീപവും “ഫ്രഷ് ഫിഷ്” വില്‍പന കേന്ദ്രങ്ങള്‍ തുടങ്ങുമ്പോള്‍ ഉപഭോക്താക്കള്‍ക്ക് ഗുണമേന്മയുള്ള മത്സ്യം ലഭിക്കുകയും ചെയ്യും.
Latest
കെഎസ്ഇബി മുന്നറിയിപ്പില്ലാതെ വൈദ്യുതി വിച്ഛേദിച്ചു ; കോഴിഫാമിലെ 1500 കോഴികള്‍ ചത്തതായി പരാതി
മഹാരാഷ്ട്ര സഹകരണബേങ്ക് തട്ടിപ്പ്; അജിത്പവാറിന് ക്ലീന്‍ചിറ്റ് നല്‍കി അന്വേഷണ സംഘം
പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച 65കാരന്‍ അറസ്റ്റില്‍
മണിപ്പൂരില്‍ വീണ്ടും സ്‌ഫോടനം; പാലം തകര്‍ന്നു, പരുക്കോ മരണമോ റിപ്പോര്‍ട്ട് ചെയ്തിട്ടില്ല
വൈദ്യപരിശോധനയ്ക്ക് എത്തിച്ചപ്പോള്‍ പോലീസ് കസ്റ്റഡിയില്‍ നിന്നും ഓടി രക്ഷപ്പെട്ട പ്രതി രണ്ട് ദിവസത്തിന് ശേഷം കീഴടങ്ങി
രാഷ്ട്രീയ പാരമ്പര്യമാണ് അന്‍വര്‍ ഉദ്ദേശിച്ചത് ജൈവപരമായി കാണേണ്ടതില്ല; എംവി ഗോവിന്ദന്‍
