International
കാന്തപുരത്തിന്റെ സൗത്ത് പെസഫിക് രാഷ്ട്രങ്ങളിലെ പര്യടനം ആരംഭിച്ചു
ബ്രിസ്ബന്‍ (ആസ്‌ത്രേലിയ): വിദ്യാഭ്യാസ- ജീവകാരുണ്യ പ്രവര്‍ത്തനങ്ങളുടെ ആഗോള മുന്നേറ്റത്തിന്റെ ഭാഗമായി അഖിലേന്ത്യാ സുന്നി ജംഇയ്യതുല്‍ ഉലമാ ജനറല്‍ സെക്രട്ടറി കാന്തപുരം എ പി അബൂബക്കര്‍ മുസ്‌ലിയാര്‍ നടത്തുന്ന സൗത്ത് പെസഫിക് രാഷ്ട്രങ്ങളിലെ പര്യടനത്തിന് പ്രൗഢോജ്ജ്വല തുടക്കം. ഒരാഴ്ച നീണ്ടുനില്‍ക്കുന്ന യാത്രയില്‍ ആസ്‌ത്രേലിയ, ഫിജി, ന്യൂസിലാന്‍ഡ് എന്നീ രാഷ്ട്രങ്ങളിലെ വിവിധ പരിപാടികളില്‍ കാന്തപുരം സംബന്ധിക്കും. മൂന്ന് രാഷ്ട്രങ്ങളിലെയും മന്ത്രിമാര്‍, സര്‍ക്കാര്‍ മേധാവികള്‍, പോലീസ് ഉദ്യോഗസ്ഥര്‍, അക്കാദമിക പ്രവര്‍ത്തകര്‍, വിദ്യാഭ്യാസ വിദഗ്ധര്‍, വിവിധ മുസ്‌ലിം സംഘടനാ നേതാക്കള്‍, മതപണ്ഡിതന്മാര്‍ എന്നിവരുമായി കാന്തപുരം കൂടിക്കാഴ്ച നടത്തും. വിവിധ നഗരങ്ങളില്‍ സംഘടിപ്പിക്കുന്ന മീലാദ് സമ്മേളനങ്ങളിലും കാന്തപുരം അതിഥിയായിരിക്കും.
ഞായറാഴ്ച ആസ്‌ത്രേലിയയിലെ ബ്രിസ്ബണ്‍ അന്താരാഷ്ട്ര വിമാനത്താവളത്തില്‍ കാന്തപുരം എ പി അബൂബക്കര്‍ മുസ്‌ലിയാര്‍ക്ക് ഊഷ്മള സ്വീകരണം നല്‍കി. മര്‍കസ് ഡയറക്ടര്‍ ഡോ. എ പി അബ്ദുല്‍ഹകീം അസ്ഹരി, ഹ്യൂമന്‍ റിസോഴ്‌സ് മാനേജര്‍ അമീര്‍ ഹസന്‍ എന്നിവരാണ് കാന്തപുരത്തോടൊപ്പമുള്ളത്. സ്വീകരണ സംഗമത്തില്‍ ഈസ്റ്റ് ക്വീന്‍സ്‌ലാന്റിലെ പൗരപ്രമുഖരും മതപണ്ഡിതരും സംബന്ധിച്ചു.
Latest
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
ജയിലെന്ന് കേട്ടാല്‍ പേടിക്കുന്നവരല്ല ഞങ്ങളെന്ന് മുഖ്യമന്ത്രി പിണറായി വിജയന്‍ ; രാഹുല്‍ ഗാന്ധിക്കെതിരെ രൂക്ഷ വിമര്‍ശനം
