Gulf
ഉരീദുവിന്റെ എസ് എസ് എമ്മിലൂടെ സംഭാവന നല്‍കാം
ദോഹ: ഈദ് ബിന്‍ മുഹമ്മദ് അല്‍ താനി ചാരിറ്റബിള്‍ അസോസിയേഷനുള്ള (ഈദ് ചാരിറ്റി) സംഭാവനകള്‍ ഇനി ഉരീദുവിന്റെ സെല്‍ഫ് സര്‍വീസ് മെഷീനുകളിലൂടെ എപ്പോള്‍ വേണമെങ്കിലും നല്‍കാം. നേരത്തെയിത് റമസാന്‍, ഈദ് എന്നീ വിശേഷ ദിനങ്ങളില്‍ മാത്രമായിരുന്നു എസ് എസ് എമ്മിലൂടെ നല്‍കാനുള്ള സൗകര്യമുണ്ടായിരുന്നത്. രാജ്യത്തുടനീളമുള്ള ഇരുനൂറിലേറെ എസ് എസ് എമ്മിലൂടെ കാഷായോ ക്രെഡിറ്റ്, ഡെബിറ്റ് കാര്‍ഡുകള്‍ മുഖേനയോ ഈദ് ചാരിറ്റിക്ക് സംഭാവന നല്‍കാം. ഇതിനുള്ള കരാര്‍ ഉരീദുവും ഈദ് ചാരിറ്റിയും ഒപ്പുവെച്ചിട്ടുണ്ട്.
ഉരീദുവിന്റെ ചീഫ് സെയില്‍സ് ആന്‍ഡ് സര്‍വീസസ് ഓഫീസര്‍ അഹ്മദ് അബ്ദുല്‍ അസീസ് അല്‍ നഈമയും ഈദ് ചാരിറ്റി എക്‌സിക്യൂട്ടീവ് മാനേജര്‍ (റിസോഴ്‌സ് ഡെവലപ്‌മെന്റ് ആന്‍ഡ് മീഡിയ) നവാഫ് ബിന്‍ അബ്ദുല്ല അല്‍ ഹമ്മാദിയുമാണ് കരാറില്‍ ഒപ്പുവെച്ചത്. ദുരിതാശ്വാസ പ്രവര്‍ത്തനം, ആരോഗ്യരംഗത്തെ പദ്ധതികള്‍, വിശുദ്ധ ഖുര്‍ആന്‍ സര്‍വീസുകള്‍, വികസന പദ്ധതികള്‍, കിണര്‍ നിര്‍മാണം, അനാഥ സ്‌പോണ്‍സര്‍ഷിപ്പ് തുടങ്ങിയ പ്രവര്‍ത്തനങ്ങള്‍ക്കാണ് ഈ പണം ഉപയോഗിക്കുക. ഈദ് ചാരിറ്റിയുടെ പ്രവര്‍ത്തനങ്ങളെ എപ്പോഴും പിന്തുണക്കുകയും സഹായിക്കുകയും ചെയ്യുന്ന ചരിത്രമാണ് ഉരീദുവിന് ഉള്ളതെന്നും പുതിയ സംവിധാനത്തിലൂടെ അത് വിപുലപ്പെട്ടുവെന്നും അല്‍ നഈമ പറഞ്ഞു. ഉപഭോക്താക്കളുടെ ആവശ്യത്തിനനുസരിച്ച് കൂടുതല്‍ സംവിധാനങ്ങളും സേവനങ്ങളും ഉരൂദു ഏര്‍പ്പെടുത്തുമെന്നും അദ്ദേഹം കൂട്ടിച്ചേര്‍ത്തു.
Latest
ഷാര്ജയിലെ എല്ലാ റോഡുകളും തുറന്നു
വ്യാജ സ്വദേശിവത്കരണം; 1,320 സ്ഥാപനങ്ങള്ക്കെതിരെ നടപടി
തിരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന് വാഹനാപകടത്തില് മരിച്ചു
ഒമാനിലെ വാഹനാപകടം ; മലയാളി നഴ്സുമാരുള്പ്പെടെ മൂന്ന് മരണം
പി വി അന്വറിനെതിരെ കേസെടുക്കാന് കോടതി നിര്ദേശം
ഓര്ഡര് ചെയ്ത ഭക്ഷണത്തില് ചത്ത എട്ടുകാലി; ഹോട്ടല് അടപ്പിച്ച് ആരോഗ്യവകുപ്പ്
