Malappuram
തിരൂര്‍ ജില്ലാ ആശുപത്രിയിലെ മദ്യസത്കാരം: ഡി എം ഒ അന്വേഷണം നടത്തി
തിരൂര്‍: പുതുവത്സരാഘോഷത്തിന്റെ പേരില്‍ ചൊവ്വാഴ്ച രാത്രി തിരൂര്‍ ജില്ലാ ആശുപത്രിയില്‍ ജീവനക്കാര്‍ മദ്യപിച്ച് അടിപിടിയുണ്ടാക്കിയ സംഭവത്തില്‍ ഡി എം ഒ ഉമറുല്‍ ഫാറൂഖ് ആശുപത്രിയിലെത്തി അന്വേഷണം നടത്തി.
അനധികൃതമായി സംഘടിച്ചതിന്റെ പേരില്‍ 11 പേര്‍ കുറ്റക്കാരാണെന്നും എന്നാല്‍ ഇവര്‍ മദ്യപിച്ചതായി പറയാന്‍ സാധിക്കില്ലെന്നും ഡി എം ഒ ഉമറുല്‍ ഫാറൂഖ് പറഞ്ഞു.
പരിപാടി സംഘടിപ്പിക്കാന്‍ അഞ്ചു മണി വരെയാണ് സൂപ്രണ്ട് അനുമതി നല്‍കിയത്. എന്നാല്‍ വൈകുന്നരം ആറരക്ക് ശേഷവും 11 പേര്‍ അനധികൃതമായി സംഘടിച്ചതിന് തെളിവുണ്ട്. ഇതില്‍ ലാസ്റ്റ് ഗ്രേഡ് ജീവനക്കാരന്‍ മുതല്‍ ഡോക്ടര്‍ വരെയുള്ളവര്‍ ഉണ്ടെന്നും അദ്ദേഹം പറഞ്ഞു.
സംഭവത്തില്‍ തിങ്കളാഴ്ച റിപ്പോര്‍ട്ട് നല്‍കുമെന്നും നടപടിയുണ്ടാകുമെന്നും അദ്ദേഹം കൂട്ടിച്ചേര്‍ത്തു. ജില്ലാ ആശുപത്രിയുടെ അന്തസിന് കളങ്കം ചാര്‍ത്തിയ ജീവനക്കാര്‍ക്കെതിരെ കര്‍ശന നടപടി സ്വീകരിക്കണമെന്നാവശ്യപ്പെട്ട് വിവിധ രാഷ്ട്രീയ പാര്‍ട്ടികള്‍ കഴിഞ്ഞ ദിവസങ്ങളില്‍ രംഗത്ത് വന്നിരുന്നു.
Latest
'അബ്ഷിര്‍ പ്ലാറ്റ്‌ഫോം'; നടന്നത് 25,00000 ത്തിലധികം ഇലക്ട്രോണിക് ഇടപാടുകള്‍
ജമൈക്ക ഫലസ്തീന്‍ രാഷ്ട്രത്തെ അംഗീകരിച്ചു; സ്വാഗതം ചെയ്ത് അറബ് പാര്‍ലിമെന്റ്
ഈജിപ്ഷ്യന്‍ തൊഴിലാളികള്‍ക്കുള്ള വിസ വീണ്ടും നിര്‍ത്തിവെച്ച് കുവൈത്ത്
വിദ്വേഷം പരത്തി വോട്ട് നേടാന്‍ ശ്രമം; മോദിയുടെ പ്രസംഗത്തിനെതിരെ രൂക്ഷ വിമര്‍ശനവുമായി ലത്തീന്‍ സഭാ മുഖപത്രം
പാലക്കാട്ട് റെക്കോര്‍ഡ് ചൂട്; ഇന്ന് രേഖപ്പെടുത്തിയത് 41.2 ഡിഗ്രി
കാട്ടുപന്നി ആക്രമണം; സ്‌കൂട്ടറില്‍ സഞ്ചരിക്കുകയായിരുന്ന അമ്മയ്ക്കും മകള്‍ക്കും പരുക്ക്
