Techno
ഇനി വളയ്ക്കാവുന്ന സ്മാര്‍ട്ട് ഫോണും
ന്യൂയോര്‍ക്ക്: മൊബൈല്‍ ഫോണിന്റെ പലവിധ രൂപാന്തരങ്ങള്‍ ദിനവും ഇറങ്ങുന്നു. ഇപ്പോള്‍ ദാ ഇഷ്ടം പോലെ വളയക്കാവുന്ന സ്മാര്‍ട് ഫോണും വിപണിയിലേക്ക് എത്തുന്നു. കാനഡയിലെ ക്യൂന്‍സ് യൂണിവേഴ്‌സിറ്റിയിലെ ഗവേഷകരാണ് വളയക്കാവുന്ന റിഫ്‌ളക്‌സ്” എന്ന പേരിട്ടിരിക്കുന്ന ഈ മൊബൈല്‍ ഫോണ്‍ നിര്‍മ്മിച്ചത്.
ഫോണ്‍ ഉപയോഗത്തിനിടെ ഉപഭോക്താവിന്റെ കൈ സ്‌ക്രീനില്‍ സാധ്യമാക്കുന്ന വളവിനെ ഇന്‍പുട്ട് ആയി സ്വീകരിക്കാനും ഇതിനെ മള്‍ട്ടി ടച്ച് എന്ന രൂപത്തില്‍ പരിഗണിക്കാനും കഴിവുള്ളതാണ് ഫോണ്‍. ആപ്‌ളിക്കേഷനുകളോ വെബസൈറ്റുകളോ ഉപയോഗിക്കുമ്പോള്‍ അടുത്ത പേജിലേക്ക് പോകാനായി സ്‌ക്രീന്‍ ഒന്ന് വളച്ചാല്‍ മതി. ടച്ച് ചെയ്യേണ്ടതില്ല. ഫോണിലൂടെ ബുക്കുകള്‍ വായിക്കുമ്പോള്‍ സ്‌കീന്‍ വളച്ച്, ശരിക്കും പുസ്തക താളുകള്‍ മറിക്കുന്നത് പോലെ പേജുകള്‍ മാറ്റാം. ഗെയിം കളിക്കുമ്പോഴും ഈ സൗകര്യം മികച്ച അനുഭവം സമ്മാനിക്കും.
ഹൈഡെഫനിഷന്‍ എല്‍.ജി ഡിസ്പ്‌ളേ ഒ.എല്‍.ഇ.ഡി ടച്ച് സ്‌ക്രീനാണ് ഫോണില്‍ ഉപയോഗിച്ചിരിക്കുന്നത്. ആന്‍ഡ്രോയിഡ് 4.4 കിറ്റ്് കാറ്റാണ് ഓപ്പറേറ്റിംഗ് സിസ്റ്റം. നെതര്‍ലാന്‍സില്‍ ഫെബ്രുവരി 17 നു നടക്കുന്ന എംബഡഡ് ടെക്‌നോളജി കോണ്‍ഫറന്‍സില്‍ റീഫ്‌ലെക്‌സ് സ്‌ക്രീന്‍ ഉപയോഗിച്ചു നിര്‍മ്മിച്ച ഫോണിന്റെ ആദ്യ മാതൃക പ്രദര്‍ശിപ്പിക്കും
Latest
നെസ്ലെയുടെ സെറലാക്കില്‍ ഉയര്‍ന്ന അളവില്‍ പഞ്ചസാര; അന്വേഷണത്തിന് ഉത്തരവിട്ട് സിസിപിഎ
വോട്ടര്‍മാര്‍ക്ക് പണം നല്‍കാന്‍ എത്തിയെന്ന് ആരോപണം; മദ്യ വ്യവസായിയെ തടഞ്ഞു
സംവിധായകന്‍ ജോഷിയുടെ വീട്ടില്‍ മോഷണം; ഒരു കോടിയുടെ വസ്തുക്കള്‍ കവര്‍ന്നു
ഇലോണ്‍ മസ്‌കിന്റെ ഇന്ത്യ സന്ദര്‍ശനം മാറ്റിവെച്ചു
അധികാരത്തില്‍ തിരിച്ചെത്തിയാല്‍ പുതിയ രൂപത്തില്‍ ഇലക്ടറല്‍ ബോണ്ട് തിരികെ കൊണ്ടുവരും; നിര്‍മ്മല സീതാരാമന്‍
സിഡിഎം വഴി അമ്മയുടെ അക്കൗണ്ടില്‍ കള്ളനോട്ട് നിക്ഷേപിച്ച മകനും ബന്ധുവും പിടിയില്‍
