Gulf
ഉംസഈദില്‍ സൗജന്യ മെഡിക്കല്‍ ക്യാംപ് 18ന്
ദോഹ: ആതുര സേവനത്തിനായി പ്രവര്‍ത്തിക്കുന്ന ഇന്ത്യക്കാരുടെ കൂട്ടായ്മയായ വി കെയര്‍ ആഭിമുഖ്യത്തില്‍ തൊഴിലാളികള്‍ക്കു വേണ്ടി സംഘടിപ്പിക്കുന്ന സൗജന്യ മെഡിക്കല്‍ ക്യാംപ് ഈ മാസം 18ന് ഉം സഈദില്‍ നടക്കും. ഇന്ത്യന്‍ ഡോക്‌ടേഴേസ് ക്ലബ്, ഇന്ത്യന്‍ ഫിസിയോ തെറാപ്പി ഫോറം എന്നിവയുടെ സഹകരണത്തോടെയാണ് ക്യാംപ് സംഘടിപ്പിക്കുന്നതെന്ന് സാരഥികള്‍ വാര്‍ത്താ സമ്മേളനത്തില്‍ പറഞ്ഞു.
പൂര്‍ണമായ ആരോഗ്യ പരിശോധനയും ആരോഗ്യ ബോധവത്കരണവും നടക്കുന്ന ക്യാംപില്‍ ഒപ്താല്‍ മോളജി, ഇ എന്‍ ടി, ഡര്‍മറ്റോളജി, ഡന്റല്‍ വിഭാഗങ്ങളില്‍നിന്നുള്ള ഡോക്ടര്‍മാര്‍ക്കു പുറമേ ഫിസിയോ തെറാപ്പിസ്റ്റുകളും ഹമദിലെയും സ്വകാര്യ ആശുപത്രികളിലെയും നഴ്‌സുമാരും സേവനം ചെയ്യും. ഫിസിക്കല്‍ എക്‌സാമിനേഷന്‍, ബ്ലഡ് പ്രഷര്‍, സുഗര്‍, കൊളസ്‌ട്രോള്‍ എന്നിവയുടെ പരിശോധന, ബി എം ഐ കാല്‍ക്കുലേഷന്‍, കൗണ്‍സിലിംഗ് എന്നിവയും നടത്തും. രോഗികള്‍ക്ക് സൗജന്യമായി മരുന്നുകളും നല്‍കും.
ആരോഗ്യജീവിത ശീലങ്ങള്‍, ജോലിസ്ഥലത്തെ ശ്രദ്ധ, ബേസിക് ലൈഫ് സപ്പോര്‍ട്ട് സി പി ആര്‍, അപടകങ്ങള്‍ ഒഴിവാക്കുകയും പ്രതിരോധിക്കുകയും ചെയ്യുക തുടങ്ങിയ മേഖലകളില്‍ ബോധവത്കരണം നടത്തും. ദി ബൂം കണ്‍സ്ട്രക്ഷന്‍ കമ്പനിയാണ് ക്യാംപ് സ്‌പോണ്‌സര്‍ ചെയ്യുന്നത്. ആരോഗ്യ വകുപ്പിലെയും ഹമദ് മെഡിക്കല്‍ കോര്‍പറേഷനിലെയും പ്രമുഖരുടെ സാന്നിധ്യത്തിലാണ് ഉദ്ഘാടനം നടക്കുക. വാര്‍ത്താ സമ്മേളനത്തില്‍ പബ്ലിക് ഹെല്‍ത്ത് ഡയറക്ടര്‍ ശൈഖ് മുഹമ്മദ് അല്‍ താനി, വി കെയര്‍ പ്രസിഡന്റ് മുസ്ഥഫ കാളിയത്ത്, ഐ പി എഫ് ക്യു ജന. സെക്രട്ടറി ബിനോയ് ദാസ്, ഇന്ത്യന്‍ ഡോക്്‌ടേഴ്‌സ് ക്ലബ് പ്രസിഡന്റ് ഡോ. സമീര്‍ മൂപ്പന്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.
Latest
സ്റ്റേറ്റ്സൈഡ് ഗ്രൂപ് വിദ്യാഭ്യാസ പങ്കാളിത്ത പരിപാടികള്‍ പ്രഖ്യാപിച്ചു
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
