Kerala
പരീക്ഷാ മൂല്യനിര്‍ണയത്തിന് ഒരു വര്‍ഷം പരിചയമുള്ള അധ്യാപകര്‍ക്കും അവസരം
തേഞ്ഞിപ്പലം: കാലിക്കറ്റ് സര്‍വകലാശാലയില്‍ പരീക്ഷാ മൂല്യനിര്‍ണയത്തിന് അംഗീകൃത കോളജുകളില്‍ ഒരു വര്‍ഷത്തെ അധ്യാപന പരിചയമുള്ളവരെയും പരിഗണിക്കാന്‍ സെനറ്റ് യോഗത്തില്‍ തീരുമാനമായി. കുറഞ്ഞത് രണ്ട് വര്‍ഷമെങ്കിലും അധ്യാപന പരിചയമുള്ളവരെ മാത്രമാണ് ഉത്തരക്കടലാസ് മൂല്യനിര്‍ണയത്തിന് ഇതു വരെ നിയോഗിച്ചിരുന്നത്.
മൂല്യനിര്‍ണയത്തിന് ആവശ്യമായ അധ്യാപകരുടെ അഭാവം മൂലം പരീക്ഷാ ഫലപ്രഖ്യാപനം വൈകുന്ന സാഹചര്യത്തിലാണ് സെനറ്റ് തീരുമാനം. സര്‍വകലാശാലക്കു കീഴിലെ എയ്ഡഡ് കോളജ് അധ്യാപകര്‍ക്ക് സ്ഥാനക്കയറ്റം നല്‍കുന്നതിന് അക്കാദമിക് പെര്‍ഫോമന്‍സ് ഇന്‍ഡിക്കേറ്റര്‍ സ്‌കോര്‍ (എ പി ഐ സ്‌കോര്‍) 2016 ജനുവരി ഒന്ന് മുതല്‍ മാത്രം ബാധകമാക്കിയാല്‍ മതിയെന്ന അക്കാദമിക് കൗണ്‍സില്‍ തീരുമാനവും സെനറ്റ് അംഗീകരിച്ചു. അനധ്യാപക തസ്തികകളിലെ സൂപ്രണ്ടുമാരെ കൂടി കോളെജ് കൗണ്‍സിലുകളില്‍ അംഗങ്ങളായി ഉള്‍പ്പെടുത്താനും സെനറ്റ് തീരുമാനിച്ചു.
Latest
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
വൈക്കം മഹാദേവക്ഷേത്രക്കുളത്തില്‍ അജ്ഞാത മൃതദേഹം കണ്ടെത്തി
പോളിംഗ് ഉദ്യോഗസ്ഥരുടെ പട്ടിക ചോര്‍ന്ന സംഭവത്തില്‍ നടപടി ; താലൂക്ക് ഓഫീസ് ജീവനക്കാരന് സസ്‌പെന്‍ഷന്‍
പാട്‌നയില്‍ ഹോട്ടലില്‍ തീപ്പിടുത്തം ; ആറു പേര്‍ മരിച്ചു
കെ സുധാകരന് തന്നോട് പക ; ഇപി ജയരാജന്‍
