Malappuram
ഉത്തരക്കടലാസുകള്‍ കാണാതായ സംഭവം: ഉന്നത തല അന്വേഷണത്തിന് സിന്‍ഡിക്കേറ്റ് ശിപാര്‍ശ
തേഞ്ഞിപ്പലം: കാലിക്കറ്റ് സര്‍വകലാശാലയില്‍ നിന്ന് 483 ഉത്തരക്കടലാസുകള്‍ കാണാതായ സംഭവത്തില്‍ ഉന്നത അന്വേഷണത്തിന് സിന്‍ഡിക്കേറ്റ് സര്‍ക്കാറിലേക്ക് ശിപാര്‍ശ ചെയ്തു. സര്‍വകലാശാലക്ക് കീഴിലെ നാല് എന്‍ജിനീയറിംഗ് കോളജ് വിദ്യാര്‍ഥികളുടെ ഉത്തരക്കടലാസ് സര്‍വകലാശാലയില്‍ നിന്ന് കാണാതായ സംഭവത്തില്‍ വൈസ് ചാന്‍സലര്‍ ഡോ. കെ മുഹമ്മദ് ബഷീറിന്റെ അധ്യക്ഷതയില്‍ ചേര്‍ന്ന സിന്‍ഡിക്കേറ്റാണ് അന്വേഷണത്തിന് ശിപാര്‍ശ ചെയ്്തത്. സിന്‍ഡിക്കേറ്റംഗം ഡോ. കെ എം നസീര്‍ കണ്‍വീനറായ ഉപസമിതിയുടെ റിപ്പോര്‍ട്ടിന്റെ അടിസ്ഥാനത്തിലാണ് നടപടി. ഐ എ എസ് റാങ്കിലുള്ള ഉദ്യോഗസ്ഥന്റെ മേല്‍ നോട്ടത്തിലുള്ള സംഘം അന്വേഷണം നടത്തണമെന്നാണ് ആവശ്യപ്പെട്ടത്. കോഹിനൂറിലെ സര്‍വകലാശാല എന്‍ജിനീയറിംഗ് കോളജ്, കോഴിക്കോട് കെ എം സി ടി, കുറ്റിപ്പുറം എം ഇ എസ് തുടങ്ങി നാല് കോളജുകളിലെ ബി ടെക് ഉത്തരക്കടലാസുകള്‍ മാസങ്ങള്‍ക്ക് മുമ്പാണ് കാണാതായത്. ഇതിന് പുറമേ സര്‍വകലാശാലയിലെ ഗവേഷക വിദ്യാര്‍ഥികള്‍ക്ക് ബയോമെട്രിക് പഞ്ചിംഗ് നിര്‍ബന്ധമാക്കുന്നത് സംബന്ധിച്ച് അന്തിമ തീരുമാനമെടുക്കുന്നത് അടുത്ത സിന്‍ഡിക്കേറ്റിന്റെ പരിഗണനക്ക് വിട്ടു.
Latest
പെരുമാറ്റച്ചട്ടം ലംഘിച്ചെന്ന പരാതിയില്‍ ഷാഫി പറമ്പിലിന് നോട്ടീസ്
കോഴിക്കോട് ആളുമാറി വോട്ട് ചെയ്ത സംഭവം ; നാല് ഉദ്യോഗസ്ഥരെ സസ്‌പെന്‍ഡ് ചെയ്തു
വൈദ്യപരിശോധനയ്ക്ക് എത്തിച്ച പ്രതി പോലീസ് കസറ്റഡിയില്‍ നിന്നും ഓടി രക്ഷപ്പെട്ടു
ഹരിത മാതൃകാ പോളിങ് ബൂത്ത് ഒരുക്കി പത്തനംതിട്ട ജില്ലാ ഭരണകൂടം
തൊഴിലില്ലായ്മയും പട്ടിണിയും തിരഞ്ഞെടുപ്പിന്റെ പ്രമേയമാവണം:എസ് എസ് എഫ്
വയനാട് ഡിസിസി ജനറല്‍ സെക്രട്ടറി ബിജെപിയില്‍ ചേര്‍ന്നു
