National
സോണിയയെ അറസ്റ്റ് ചെയ്യാന്‍ ബിജെപിക്കു ധൈര്യമുണ്ടോയെന്ന് കെജ്‌രിവാള്‍
ന്യൂഡല്‍ഹി: അഗസ്ത വെസ്റ്റ് ലാന്‍ഡ് ഹെലികോപ്റ്റര്‍ ഇടപാടുമായി ബന്ധപ്പെട്ടു കോണ്‍ഗ്രസ് അധ്യക്ഷ സോണിയ ഗാന്ധിയെ അറസ്റ്റ് ചെയ്യാന്‍ ബിജെപി സര്‍ക്കാരിനെ വെല്ലുവിളിച്ച് ഡല്‍ഹി മുഖ്യമന്ത്രി അരവിന്ദ് കെജരിവാള്‍ രംഗത്ത്. ഹെലികോപ്റ്റര്‍ ഇടപാടിലെ ഇടനിലക്കാരന്‍ ഇറ്റാലിയന്‍ കോടതിയില്‍ നല്‍കിയ കത്തില്‍ പരാമര്‍ശിക്കുന്ന നേതാക്കളെ അറസ്റ്റ് ചെയ്തു ചോദ്യം ചെയ്യാന്‍ സര്‍ക്കാര്‍ തയാറാകുമോയെന്നും കെജരിവാള്‍ ചോദിച്ചു. ബിജെപി ഒരിക്കലും ഇതു ചെയ്യില്ല. ഇക്കാര്യത്തില്‍ ബിജെപിയുടേത് സദുദ്ദേശ്യമല്ല. കഴിഞ്ഞ അഞ്ചു കൊല്ലമായി ബിജെപി ഇതു സംബന്ധിച്ച് പ്രസ്താവനകള്‍ പുറത്തിറക്കുക മാത്രമാണു ചെയ്തിരിക്കുന്നത്. കോണ്‍ഗ്രസും ബിജെപിയും ഉറ്റചങ്ങാതിമാരാണ്. അതിനാല്‍ തുടര്‍നടപടികളൊന്നുമുണ്ടാകില്ലെന്നും കെജരിവാള്‍ പറഞ്ഞു.
അഗസ്ത വെസ്റ്റ് ലാന്‍ഡ് ഹെലികോപ്റ്റര്‍ ഇടപാടുമായി ബന്ധപ്പെട്ടു കോണ്‍ഗ്രസ് അധ്യക്ഷ സോണിയഗാന്ധിയുടെ പേര് രാജ്യസഭയില്‍ പരാമര്‍ശിച്ചതിനെത്തുടര്‍ന്നാണു വീണ്ടും ഇക്കാര്യം ചൂടേറിയ ചര്‍ച്ചയായി മാറിയത്. പുതുതായി നാമനിര്‍ദേശം ചെയ്യപ്പെട്ടു സഭയിലെത്തിയ ബിജെപി നേതാവ് സുബ്രഹ്മണ്യന്‍ സ്വാമിയാണു ഹെലികോപ്റ്റര്‍ ഇടപാടിലെ കോഴവിവാദവുമായി ബന്ധപ്പെടുത്തി സോണിയയുടെ പേര് പരാമര്‍ശിച്ചത്. ഹെലികോപ്റ്റര്‍ ഇടപാടുമായി ബന്ധപ്പെട്ട് ഇടനിലക്കാരന്‍ ക്രിസ്ത്യന്‍ മിഷേല്‍ ഇറ്റാലിയന്‍ ഹൈക്കോടതിയില്‍ നല്‍കിയിരിക്കുന്ന കത്തില്‍ സോണിയയെക്കുറിച്ചു പരാമര്‍ശമുണ്ടെന്നായിരുന്നു സ്വാമിയുടെ ആരോപണം.
Latest
സംസ്ഥാനത്ത് മൂന്ന് ദിവസം ഇടിമിന്നലോട് കൂടിയ മഴക്ക് സാധ്യത; ഇന്ന് മൂന്ന് ജില്ലകളില്‍ യെല്ലോ അലര്‍ട്ട്
ലോക്‌സഭാ തിരഞ്ഞെടുപ്പ്; 102 മണ്ഡലങ്ങളില്‍ ഇന്ന് വോട്ടെടുപ്പ്
ഓ അശുതോഷ്...! മുംബൈക്ക് ഒന്പത് റൺസ് ജയം
ന്യൂനപക്ഷ സമുദായങ്ങളുടെ ആരാധനാലയങ്ങള്‍ ആക്രമിക്കുന്നത് അപലപനീയം: കാന്തപുരം തെലങ്കാന മുഖ്യമന്ത്രിക്ക് കത്തയച്ചു
സമസ്ത നൂറാം വാര്‍ഷികം; ഉന്നത മതകലാലയങ്ങളിലെ അധ്യാപകരുടെ സംഗമം നടത്തും
'ഉത്തരവാദിത്വം മനുഷ്യപ്പറ്റിന്റെ രാഷ്ട്രീയം' എസ് വൈ എസ് പ്ലാറ്റിയൂണ്‍ അസംബ്ലികള്‍ക്ക് തുടക്കം
