Ongoing News
ജാഥകള്‍ക്ക് മുന്‍കൂര്‍ അനുമതി നിര്‍ബന്ധം
തിരുവനന്തപുരം: തിരഞ്ഞെടുപ്പ് പ്രചാരണം അവസാന ഘട്ടത്തിലെത്തിയതോടെ രാഷ്ട്രീയ കക്ഷികള്‍ ജാഥകള്‍ നടത്താന്‍ തുടങ്ങിയ സാഹചര്യത്തില്‍, പ്രകടനങ്ങള്‍ സംഘടിപ്പിക്കാന്‍ മാതൃകാ പെരുമാറ്റച്ചട്ടത്തില്‍ പറഞ്ഞ നിബന്ധനകള്‍ കര്‍ശനമായി പാലിക്കണമെന്ന് മുഖ്യ തിരഞ്ഞെടുപ്പ് ഓഫീസര്‍ അറിയിച്ചു. ജാഥ നടത്തുന്ന പാര്‍ട്ടിയോ സ്ഥാനാര്‍ഥിയോ, ജാഥ തുടങ്ങുന്ന സ്ഥലം, സമയം, വഴി, അവസാനിക്കുന്ന സമയം എന്നിവ മുന്‍കൂട്ടി തീരുമാനിക്കണം. സാധാരണ ഗതിയില്‍ ഇതില്‍ മാറ്റം അനുവദിക്കില്ല.
ജാഥ സംബന്ധിച്ച് പോലീസധികാരികളെ മുന്‍കൂട്ടി അറിയിക്കണം. കടന്നു പോകുന്ന പ്രദേശങ്ങളില്‍ ഏതെങ്കിലും നിരോധന ഉത്തരവുണ്ടോയെന്ന് സംഘാടകര്‍ അനേ്വഷിക്കുകയും, ബന്ധപ്പെട്ട അധികാര സ്ഥാനത്തില്‍ നിന്ന് പ്രതേ്യക അനുമതി വാങ്ങുകയും വേണം. അനുമതി ഇല്ലെങ്കില്‍ പ്രകടനം അനുവദിക്കില്ല.
ഗതാഗതത്തിന് തടസ്സമില്ലാത്ത വിധം ജാഥ ക്രമീകരിക്കുകയും, ഇടവേളകളില്‍ വാഹനങ്ങള്‍ക്കും കാല്‍നടക്കാര്‍ക്കും കടന്നുപോകാന്‍ വഴി ഒരുക്കുകയും വേണം. ഒന്നിലധികം രാഷ്ട്രീയ കക്ഷികള്‍ ഒരേ വഴിയില്‍ ജാഥ നടത്താന്‍ ഉദ്ദേശിക്കുന്നുണ്ടെങ്കില്‍ സംഘട്ടനങ്ങള്‍ ഒഴിവാക്കാനും ഗതാഗതം തടസ്സപ്പെടാതിരിക്കാനും മുന്‍കരുതലുകള്‍ എടുക്കണം. എതിരാളികളുടെ കോലം കൊണ്ട് നടക്കുന്നതും കത്തിക്കാന്‍ ശ്രമിക്കുന്നതും ഒഴിവാക്കേണ്ടതാണെന്ന് തിരഞ്ഞെടുപ്പ് ഓഫീസര്‍ അറിയിച്ചു.
Latest
പത്തനംതിട്ടയില്‍ കാണാതായ ഇതര സംസ്ഥാന തൊഴിലാളികളുടെ പെണ്‍കുട്ടികളെ മണിക്കൂറുകള്‍ക്കകം കണ്ടെത്തി പോലീസ്
അട്ടപ്പാടിയില്‍ വീണ്ടും ആദിവാസി ശിശുമരണം; ഏഴുമാസം പ്രായമുള്ള കുഞ്ഞ് ശ്വാസംമുട്ടലിനെ തുടര്‍ന്ന് മരിച്ചു
പയ്യോളിയില്‍ കാര്‍ ലോറിയില്‍ ഇടിച്ച് അപകടം; രണ്ട് മരണം
ടൂറിസ്റ്റ് ബസും കാറും കൂട്ടിയിടിച്ചുണ്ടായ അപകടത്തില്‍ യുവാവ് മരിച്ചു
വടം കഴുത്തില്‍ കുരുങ്ങി സ്‌കൂട്ടര്‍ യാത്രികന്‍ മരിച്ച സംഭവം; പോസ്റ്റ്മോര്‍ട്ടം വിവരങ്ങള്‍ ഇന്ന് പുറത്ത് വരും
രാഹുല്‍ ഗാന്ധി ഇന്ന് മലപ്പുറത്ത് ; ഏറനാട്, നിലമ്പൂര്‍,വണ്ടൂര്‍ നിയമസഭ മണ്ഡലങ്ങളില്‍ റോഡ് ഷോ
