Malappuram
യുവ ശാസ്ത്രജ്ഞന് നാടിന്റെ ആദരം
കാളികാവ്: ഐ എസ് ആര്‍ ഒ യില്‍ മലപ്പുറത്തിന്റെ അഭിമാനമായി ഇടം ലഭിച്ച ചോക്കാട് സ്വദേശിക്ക് നാടിന്റെ ആദരം. കേളുനായര്‍പടിയിലെ മാന്തായി ഹംസയുടെയും മുംതാസിന്റെയും മകനായ ജിഷാദിനാണ് ജന്മനാട് ആദരിച്ചത്.
ആറ് മാസം മുമ്പാണ് ഇന്ത്യയുടെ ശാസ്ത്ര ഗവേഷണ കേന്ദ്രത്തില്‍ യുവ ശാസ്ത്രജ്ഞനായി നിയമനം ലഭിച്ചത്. ടിപിക്കല്‍ ഓസിയാനാഗ്രാഫിയില്‍ സമുദ്രത്തിലെ പ്രതിഭാസങ്ങളെകുറിച്ചുള്ള നിരീക്ഷണങ്ങളാണ് ജിഷാദിന്റെ പഠന മേഖല.
പുല്ലങ്കോട് ഗവ. ഹയര്‍സെക്കന്‍ഡറി, ചുങ്കത്തറ മാര്‍ത്തോമ കോളജ് എന്നിവിടങ്ങളില്‍ നിന്നും പഠനം പൂര്‍ത്തിയാക്കിയ ജിഷാദ് ഗോവയിലെ നാഷനല്‍ ഇന്‍സ്റ്റിറ്റിയൂട്ട് ഓഫ് ഓര്‍ഗനൈസേഷനില്‍ ഗവേഷക വിദ്യാര്‍ഥിയായി പഠനം നടത്തുമ്പോഴാണ് ഐ എസ് ആര്‍ ഒ യിലേക്ക് നിയമനം ലഭിക്കുന്നത്. അഹമ്മദാബാദ് സ്‌പേസ് ആപ്ലിക്കേഷന്‍ സെന്ററിലാണ് ഇയാള്‍ ഇപ്പോള്‍ പ്രവര്‍ത്തിക്കുന്നത്. പെരുന്നാള്‍ അവധിക്ക് നാട്ടിലെത്തിയ ജിഷാദിന് ഇന്നലെ മൂന്ന് സ്വീകരണങ്ങളാണ് നാട്ടുകാര്‍ ഒരുക്കിയത്. ജിഷാദിന്റെ വീട്ടില്‍ യൂത്ത് ലീഗ് കമ്മിറ്റി സംഘടിപ്പിച്ച ചടങ്ങില്‍ ബ്ലോക്ക് പഞ്ചായത്ത് പ്രസിഡന്റ് പി ഖാലിദ് മാസ്റ്റര്‍ ഉപഹാരം നല്‍കി. വി മുഹമ്മദ് കുട്ടി മാസ്റ്റര്‍, സി കെ കുഞ്ഞാണി, ശമീര്‍ ചോക്കാട്, ഒ കെ അനീസ്, സല്‍മാന്‍ മാഞ്ചേരി സംബന്ധിച്ചു. ഡി വൈ എഫ് ഐ നല്‍കിയ സ്വീകരണത്തില്‍ ചോക്കാട് ഗ്രാമ പഞ്ചായത്ത് പ്രസിഡന്റ് ഷാഹിനാ ബാനു ജിഷാദിന് ഉപഹാരം നല്‍കി. സി പി എം നിലമ്പൂര്‍ ഏരിയാ സെക്രട്ടറി ഇ പത്മാക്ഷന്‍, കെ എസ് അന്‍വര്‍, വി അപ്പുണ്ണി സംബന്ധിച്ചു. ചോക്കാട് വോയ്‌സ് നല്‍കിയ സ്വീകരണ ചടങ്ങില്‍ ഇ പി മൂസ, ജയരാജന്‍, ടി ഹുസൈന്‍ സംബന്ധിച്ചു.
Latest
യുവജനക്കരുത്തിന്റെ വിളംബരമായി എസ് വൈ എസ് പ്ലാറ്റിയൂണ്‍ അസംബ്ലി
കെ ഫോണിന് ഏഷ്യന്‍ ടെലികോമിന്റെ ഇന്‍ഫ്രാസ്ട്രക്ചര്‍ ഇനിഷ്യേറ്റീവ് ഓഫ് ദ ഇയര്‍ പുരസ്‌കാരം
മഷി പുരളാന്‍ ഇനി ആറുനാള്‍; സംസ്ഥാനത്ത് ഉപയോഗിക്കുക 63,100 കുപ്പി വോട്ടുമഷി
വിദ്വേഷ രാഷ്ട്രീയത്തെ സ്‌നേഹം കൊണ്ട് തോല്‍പ്പിക്കുക: കാന്തപുരം
ആരവത്തിലലിഞ്ഞ് പതിനായിരങ്ങള്‍; പൂത്തുലഞ്ഞ് തൃശൂര്‍ പൂരം
കല്യാശ്ശേരിയിലെ വോട്ടിംഗ് ക്രമക്കേട്; അഞ്ച് ഉദ്യോഗസ്ഥര്‍ക്ക് സസ്‌പെന്‍ഷന്‍
