National
കാശ്മീരില്‍ പത്രങ്ങള്‍ക്ക് മൂന്ന് ദിവസം നിരോധനം
ശ്രീനഗര്‍: സംഘര്‍ഷാവസ്ഥ നിലനില്‍ക്കുന്ന കാശ്മീരില്‍ മൂന്ന് ദിവസത്തേക്ക് വര്‍ത്തമാന പത്രങ്ങള്‍ നിരോധിച്ചു. അട്ടിമറി സാധ്യത നിലനില്‍ക്കുന്നതിനാല്‍ സമാധാനാന്തരീക്ഷം ഉറപ്പാക്കാനാണ് നടപടിയെന്ന് സര്‍ക്കാര്‍ വക്താവ് നയീം അഖ്തര്‍ പറഞ്ഞു.
കാശ്മീരില്‍ കഴിഞ്ഞ ദിവസങ്ങളില്‍ മാധ്യമ സ്ഥാപനങ്ങള്‍ക്കെതിരെ കര്‍ശന നടപടികളാണ് സര്‍ക്കാര്‍ സ്വീകരിച്ചുവരുന്നത്. പുലര്‍ച്ചെ രണ്ടുമണിയോടെ കാശ്മീരിലെ പ്രസുകളില്‍ അധികൃതര്‍ മിന്നല്‍ പരിശോധന നടത്തിയിരുന്നു.
ഹിസ്ബുല്‍ മുജാഹിദീന്‍ നേതാവ് ബുര്‍ഹാന്‍ മുസാഫര്‍ വാനിയെ സൈന്യം വധിച്ചതിന് പിന്നാലെയാണ് കാശ്മീരില്‍ സംഘര്‍ഷം ഉടലെടുത്തത്. മൊബൈല്‍ ഫോണ്‍, ഇന്റര്‍നെറ്റ് സേവനങ്ങള്‍ കാശ്മീരില്‍ ഇപ്പോഴും നിരോധിച്ചിരിക്കുകയാണ്.
മാധ്യമസ്ഥാപനങ്ങള്‍ക്കെതിരായ സര്‍ക്കാര്‍ നിലപാട് പരക്കെ വിമര്‍ശനത്തിന് കാരണമായിട്ടുണ്ട്. പലയിടത്തും മാധ്യമപ്രവര്‍ത്തകരുടെ പ്രതിഷേധ പ്രകടനങ്ങള്‍ നടന്നു. കാശ്മീരില്‍ ഇപ്പോള്‍ മാധ്യമ അടിയന്തരാവസ്ഥയാണ്. ഇതിന് മുമ്പും ഇത്തരത്തില്‍ മാധ്യമപ്രവര്‍ത്തകര്‍ക്ക് നേരെ അക്രമങ്ങള്‍ ഉണ്ടായതായും റൈസിംഗ് കാശ്മീര്‍ എഡിറ്റര്‍ ശുജാഅത്ത് ബുഖാരി പറഞ്ഞു.
Latest
സ്റ്റേറ്റ്സൈഡ് ഗ്രൂപ് വിദ്യാഭ്യാസ പങ്കാളിത്ത പരിപാടികള്‍ പ്രഖ്യാപിച്ചു
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
