Gulf
ഹരിത മാതൃകകളെക്കുറിച്ച് കുട്ടികള്‍ക്ക് ശില്‍പ്പശാല നടത്തി
ദോഹ: ഖത്വര്‍ ഗ്രീന്‍ ബില്‍ഡിംഗ് കൗണ്‍സില്‍ (ക്യു ജി ബി സി) യുടെ നേതൃത്വത്തില്‍ ഹരിത മാതൃകകള്‍, ഊര്‍ജത്തിന്റെ പുനരുപയോഗം, പരിസ്ഥിതി സൗഹാര്‍ദ സാങ്കേതികത തുടങ്ങിയ വിഷയങ്ങളില്‍ സ്‌കൂള്‍ വിദ്യാര്‍ഥികള്‍ക്ക് ശില്‍പ്പശാല സംഘടിപ്പിച്ചു. ഖത്വര്‍ സയന്‍സ് കഌബിന്റെ സഹകരണത്തോടെയാണ് ഖത്വര്‍ സയന്‍സ് സമ്മര്‍ ക്യാമ്പ് സംഘടിപ്പിച്ചത്. അഞ്ചു മുതല്‍ ഏഴുവരെ കഌസുകളിലുള്ള കുട്ടികളാണ് പരിപാടിയില്‍ പങ്കെടുത്തത്. സുസ്ഥിര വികസന മാതൃകകളുടെ വിവിധ വിഷയങ്ങളെക്കുറിച്ചാണ് കഌസുകള്‍ സംഘടിപ്പിച്ചത്.
ഹരിത നിര്‍മിതിക്കായുള്ള വിവിധ പാഠ്യ പദ്ധതികളോടൊപ്പം കുട്ടികളില്‍ ക്രിയാത്മകത വളര്‍ത്താനും വിവിധ മേഖലകളില്‍ പാടവം തെളിയിക്കാനും ആശയങ്ങള്‍ വികസിപ്പിക്കാനും അവസരം നല്‍കിയതായി ക്യു.ജി.ബി.സി കമ്മ്യൂണിക്കേഷന്‍സ് ഹെഡ് ഹമൂദ് യൂസുഫ് പറഞ്ഞു. ശില്‍പ്പശാലയോടനുബന്ധിച്ച് തങ്ങള്‍ പഠിച്ച ഹരിത മാതൃകകള്‍ ഉള്‍പ്പെടുത്തി പാര്‍പ്പിടങ്ങള്‍ നിര്‍മിക്കാനും ആവശ്യപ്പെട്ടിരുന്നു. നവീന ആശയങ്ങള്‍ മനസ്സിലാക്കാനുള്ള ശില്‍പ്പശാല വളരെ ഉപകാരപ്പെട്ടതായി പങ്കെടുത്ത വിദ്യാര്‍ഥികള്‍ അറിയിച്ചു.
Latest
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
ആറ്റിങ്ങല്: ത്രികോണ തരംഗം
ധ്രുവ് റാഠി എന്ന മാധ്യമ പ്രതിപക്ഷം
ഇ വി എമ്മിന്റെ വിശ്വാസ്യത വോട്ടര്മാര്ക്കും ബോധ്യപ്പെടണം
മണ്ണു നീക്കുന്നതിനിടെ സ്റ്റീല് ബോംബ് കണ്ടെയ്നര് കണ്ടെത്തി
