Eranakulam
മുത്തൂറ്റ് : തൊഴിലാളികള്‍ സമരത്തിലേക്ക്
കൊച്ചി: മുത്തൂറ്റ് ഫിനാന്‍സ് മാനേജ്‌മെന്റിന്റെ തൊഴിലാളിവിരുദ്ധ സമീപനങ്ങളില്‍ പ്രതിഷേധിച്ച് 72 മണിക്കൂര്‍ പണിമുടക്കാന്‍ കേരള പ്രൈവറ്റ് ചിറ്റ് ആന്‍ഡ് ഫിനാന്‍സ് എംപ്ലോയീസ് യൂനിയന്‍ (സിഐ ടി യു) സംസ്ഥാന കണ്‍വന്‍ഷന്‍ തീരുമാനം. സെപ്തംബര്‍ അഞ്ച്, ആറ്, ഏഴ് തീയതികളിലാണ് പണിമുടക്ക്. ജീവനക്കാരുടെ മിനിമം വേതനം 18,000 ആയി ഉയര്‍ത്തണമെന്നും കണ്‍വന്‍ഷന്‍ ആവശ്യപ്പെട്ടു. പിരിച്ചുവിടല്‍, സ്ഥലംമാറ്റം തുടങ്ങി മാനേജ്‌മെന്റ് തുടരുന്ന ആക്രമണങ്ങളെ ചെറുക്കാനും മാനേജ്‌മെന്റിന്റെ നിലപാട് തുറന്നുകാണിച്ച് വ്യാപകമായ പ്രചാരണം സംഘടിപ്പിക്കാനും കണ്‍വന്‍ഷന്‍ തീരുമാനിച്ചു.
സി ഐ ടി യു അഖിലേന്ത്യ സെക്രട്ടറി കെ ഒ ഹബീബ് ഉദ്ഘാടനം ചെയ്തു. കേരള പ്രൈവറ്റ് ചിറ്റ് ആന്‍ഡ് ഫിനാന്‍സ് എംപ്ലോയീസ് യൂനിയന്‍ പ്രസിഡന്റ് പി അപ്പുക്കുട്ടന്‍ അധ്യക്ഷതവഹിച്ചു. സി ഐ ടി യു ജില്ലാ സെക്രട്ടറി കെ എന്‍ ഗോപിനാഥ്, എം സ്വരാജ് എം എല്‍ എ, എസ് എസ് അനില്‍, എ സിയാവുദ്ദീന്‍, കെ എ അലി അക്ബര്‍, പി എന്‍ സീനുലാല്‍, കെ വി മനോജ്, സി സി രതീഷ്, എം കെ മുകുന്ദന്‍, എം ഷിബിന്‍, പി പ്രമോദ്, നിഷ കെ ജയന്‍, കെ ജെ തോമസ്, ലിനറ്റ് തോമസ്, മൃദു, പ്രമോദ് പ്രസംഗിച്ചു.
ഭാരവാഹികള്‍: എം സ്വരാജ് എം എല്‍ എ (പ്രസി.), എ സിയാവുദ്ദീന്‍, തോമസ് കെ ജെ, പി പ്രമോദ്, അനീഷ് ഡി നായര്‍, രാജ്‌മോഹന്‍ എം, പ്രേംജിത്ത് (വൈസ് പ്രസി.), നിഷ കെ ജയന്‍ (സെക്രട്ടറി), അഭിലാഷ്, സുനില്‍ വര്‍ഗീസ്, മനോജ്, വിനീത് വില്‍സണ്‍, ലിപ്‌സി (ജോയിന്റ് സെക്ര.), ശരത് ബാബു (ട്രഷറര്‍).
Latest
സൂര്യാതപം; പാലക്കാട്ട് മധ്യവയസ്‌കന്‍ മരിച്ചു
വിറാസ് ഗേള്‍സ് ഇന്റര്‍വ്യൂ മെയ് രണ്ടിന്
ദല്ലാള്‍ നന്ദകുമാറില്‍ നിന്ന് പണം വാങ്ങിയിരുന്നു; കൈപ്പറ്റിയത് അക്കൗണ്ട് വഴി: ശോഭ സുരേന്ദ്രന്‍
ട്രെയിനില്‍ വനിതാ ടി ടി ഇക്ക് നേരെ കൈയേറ്റ ശ്രമം; പ്രതിയെ പിടികൂടി
ചങ്ങരംകുളത്ത് യുവാവിനെ റോഡരികില്‍ മരിച്ച നിലയില്‍ കണ്ടെത്തി
വെള്ളച്ചാട്ടത്തില്‍ കുളിക്കുന്നതിനിടെ മഞ്ഞുപാളികള്‍ക്കടിയില്‍ പെട്ട് ഇന്ത്യക്കാരനായ മെഡിക്കല്‍ വിദ്യാര്‍ഥി മരിച്ചു
