National
കശ്മീരിലേക്ക് സര്‍വകക്ഷി സംഘത്തെ അയക്കുമെന്ന് രാജ്‌നാഥ് സിംഗ്
ന്യൂഡല്‍ഹി: കശ്മീരിലേക്ക് സര്‍വകക്ഷി സംഘത്തെ അയക്കുമെന്ന് കേന്ദ്ര ആഭ്യന്തരമന്ത്രി രാജ്‌നാഥ് സിംഗ്. രണ്ട് ദിവസത്തെ കശ്മീര്‍ സന്ദര്‍ശനത്തിന് ശേഷം മുഖ്യമന്ത്രിയോടൊപ്പം നടത്തിയ സംയുക്ത വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം. പെല്ലറ്റ് ഗണ്ണിന് ബദല്‍ എന്തെന്ന് ആലോചിക്കും. കശ്മീരിലെ വിദ്യാര്‍ഥികളുടെ പ്രശ്‌നങ്ങള്‍ പഠിക്കാന്‍ നോഡല്‍ ഓഫീസറെ നിയോഗിക്കും.
കുട്ടികള്‍ കല്ലുകള്‍ കയ്യിലേന്തുന്നുണ്ടെങ്കില്‍ അവരെ കൗണ്‍സിലിംഗിന് വിധേയരാക്കണം. കല്ലുകള്‍ക്ക് പകരം പുസ്തകവും പേനയും കമ്പ്യൂട്ടറുമാണ് അവരുടെ കൈകളില്‍ ഉണ്ടാവേണ്ടത്. കുട്ടികളുടെ ഭാവികൊണ്ട് ആരും കളിക്കരുത്. ഇന്ത്യയുടെ ഭാവി കശ്മീരിന്റെ ഭാവിയിലാണെന്നും രാജ്‌നാഥ് സിംഗ് പറഞ്ഞു.
കശ്മീരിലെ യുവാക്കളെ തീവ്രവാദികള്‍ കരുവാക്കുകയാണെന്ന് കശ്മീര്‍ മുഖ്യമന്ത്രി മെഹ്ബൂബ മുഫ്തി പറഞ്ഞു. കശ്മീര്‍ ജനതയില്‍ 95 ശതമാനവും സമാധാനം ആഗ്രഹിക്കുന്നവരാണെന്നും അവര്‍ പറഞ്ഞു. കുട്ടികളെ തെരുവിലിറക്കുന്നവരെ ഒറ്റപ്പെടുത്തണമെന്നും മെഹ്ബൂബ പറഞ്ഞു.
Latest
നെസ്ലെയുടെ സെറലാക്കില്‍ ഉയര്‍ന്ന അളവില്‍ പഞ്ചസാര; അന്വേഷണത്തിന് ഉത്തരവിട്ട് സിസിപിഎ
വോട്ടര്‍മാര്‍ക്ക് പണം നല്‍കാന്‍ എത്തിയെന്ന് ആരോപണം; മദ്യ വ്യവസായിയെ തടഞ്ഞു
സംവിധായകന്‍ ജോഷിയുടെ വീട്ടില്‍ മോഷണം; ഒരു കോടിയുടെ വസ്തുക്കള്‍ കവര്‍ന്നു
ഇലോണ്‍ മസ്‌കിന്റെ ഇന്ത്യ സന്ദര്‍ശനം മാറ്റിവെച്ചു
അധികാരത്തില്‍ തിരിച്ചെത്തിയാല്‍ പുതിയ രൂപത്തില്‍ ഇലക്ടറല്‍ ബോണ്ട് തിരികെ കൊണ്ടുവരും; നിര്‍മ്മല സീതാരാമന്‍
സിഡിഎം വഴി അമ്മയുടെ അക്കൗണ്ടില്‍ കള്ളനോട്ട് നിക്ഷേപിച്ച മകനും ബന്ധുവും പിടിയില്‍
