Kerala
സ്‌കൂളുകളില്‍ ഓണാഘോഷത്തിന് നിയന്ത്രണം; മന്ത്രി ഇടപെട്ട് പിന്‍വലിച്ചു
തിരുവനന്തപുരം: സ്‌കൂളുകളിലെ ഓണാഘോഷം നിയന്ത്രിച്ച് ഹയര്‍ സെക്കന്‍ഡറി ഡയറക്ടറേറ്റിന്റെ സര്‍ക്കുലര്‍. സംഭവം വിവാദമായതോടെ വിദ്യാഭ്യാസ മന്ത്രി പ്രൊഫ. സി രവീന്ദ്രനാഥ് ഇടപെട്ട് സര്‍ക്കുലര്‍ പിന്‍വലിച്ചു. ഹയര്‍ സെക്കന്‍ഡറി അക്കാദമിക് ജോയിന്റ് ഡയറക്ടറാണ് ഓണാഘോഷത്തിന് മാനദണ്ഡങ്ങള്‍ നിര്‍ണയിച്ച് സര്‍ക്കുലര്‍ ഇറക്കിയത്. ഒരു പ്രവൃത്തിദിനം മുഴുവന്‍ ആഘോഷ പരിപാടികള്‍ക്കായി മാറ്റിവെക്കാന്‍ പാടില്ലെന്നായിരുന്നു പ്രധാന നിര്‍ദേശം.
സ്‌കൂള്‍ പരീക്ഷകള്‍, മറ്റു പഠന- പഠനേതര പ്രവര്‍ത്തനങ്ങള്‍ എന്നിവയെ ബാധിക്കാത്ത തരത്തിലായിരിക്കണം പരിപാടികള്‍ ക്രമീകരിക്കേണ്ടത്. ആഘോഷ പരിപാടികളില്‍ സ്‌കൂള്‍ യൂനിഫോം നിര്‍ബന്ധമായിരിക്കണം, വേഷവിധാനത്തോടെയുള്ള കലാപരിപാടികള്‍ അവതരിപ്പിക്കുമ്പോള്‍ പ്രിന്‍സിപ്പലില്‍ നിന്ന് മുന്‍കൂട്ടി അനുമതി വാങ്ങണം, പരിപാടികളുടെ പേരില്‍ അമിതമായ പണപ്പിരിവ് പാടില്ല, പരിപാടികളില്‍ പി ടി എ, എസ് എം സി എന്നിവരുടെ സാന്നിധ്യം ഉറപ്പാക്കണം, കലാകായിക പരിപാടികളില്‍ അധ്യാപകരുടെ സമ്പൂര്‍ണ നിയന്ത്രണവും മേല്‍നോട്ടവും പ്രിന്‍സിപ്പല്‍ ഉറപ്പ് വരുത്തണം തുടങ്ങിയ നിര്‍ദേശങ്ങളും ഉള്‍പ്പെടുത്തിയിരുന്നു.
സ്‌കൂളുകളിലെ ഓണാഘോഷത്തിന്റെ ഭംഗിയും പൊലിമയും കുറക്കുന്നതാണ് സര്‍ക്കുലറിലെ നിര്‍ദേശങ്ങളില്‍ പലതുമെന്ന് വിമര്‍ശം ഉയര്‍ന്നതോടെയാണ് വിഷയത്തില്‍ മന്ത്രി ഇടപെട്ടത്.
Latest
അമേഠിക്ക് ശേഷം കോണ്‍ഗ്രസിന്റെ രാജകുമാരന്‍ വയനാട്ടിലും തോല്‍ക്കും; മറ്റൊരു മണ്ഡലം തേടിപ്പോകും: നരേന്ദ്ര മോദി
കോഴിക്കോട് പെരുവയലില്‍ വീട്ടിലെ വോട്ടില്‍ ക്രമക്കേടെന്ന് പരാതി
സുഗന്ധഗിരി മരംമുറിക്കല്‍ കേസ്; ഡിഎഫ്ഒക്കെതിരായ നടപടി മരവിപ്പിച്ചത് നടപടിക്രമങ്ങളിലെ പാളിച്ചയെ തുടര്‍ന്നെന്ന് മന്ത്രി
മലബാര്‍ പൊറോട്ടയുടെ ജി എസ് ടി 18 ശതമാനം ആക്കണമെന്ന അപ്പലേറ്റ് അതോറിറ്റിയുടെ ഉത്തരവ് ഹൈക്കോടതി തള്ളി
പഞ്ചാബിലെ സംഗ്രൂര്‍ ജയിലില്‍ തടവുകാര്‍ തമ്മില്‍ സംഘര്‍ഷം; രണ്ട് മരണം
നെസ്ലെയുടെ സെറലാക്കില്‍ ഉയര്‍ന്ന അളവില്‍ പഞ്ചസാര; അന്വേഷണത്തിന് ഉത്തരവിട്ട് സിസിപിഎ
