Kozhikode
കുന്ദമംഗലത്ത് വാഹന പാര്‍ക്കിംഗ് പൂര്‍ണമായി നിരോധിക്കും
കുന്ദമംഗലം: രൂക്ഷമായ ഗതാഗതപ്രശ്‌നം നേരിടുന്ന കുന്ദമംഗലത്ത് യു പി സ്‌കൂള്‍ പരിസരം മുതല്‍ മുക്കം റോഡ് ജംഗ്ഷന്‍ വരെ ഇരുചക്ര വാഹനമടക്കമുള്ള വാഹനങ്ങളുടെ പാര്‍ക്കിംഗ് നിരോധിക്കാന്‍ തീരുമാനം. കുന്ദമംഗലം ഗ്രാമപഞ്ചായത്ത് വിളിച്ചുചേര്‍ത്ത സര്‍വകക്ഷി യോഗത്തിലാണ് പാര്‍ക്കിംഗ് പൂര്‍ണമായി നിരോധിക്കാന്‍ തീരുമാനിച്ചത്. ഗ്രാമപഞ്ചായത്ത് പ്രസിഡന്റ് ടി കെ സീനത്ത് അധ്യക്ഷത വഹിച്ച യോഗത്തില്‍ ചേവായൂര്‍ സി ഐ. കെ കെ രാജു ഗതാഗതക്കുരുക്ക് ഒഴിവാക്കുന്നതിനുള്ള നിര്‍ദേശങ്ങള്‍ മുന്നോട്ടുവെച്ചു.
വാഹന പാര്‍ക്കിംഗ് നിരോധിക്കുന്നതോടൊപ്പം അനധികൃത കച്ചവടങ്ങള്‍ തടയാനും ടൗണില്‍ സ്ഥാപിച്ച അനധികൃത ബോര്‍ഡുകള്‍ എടുത്തുമാറ്റാനും തീരുമാനമായി. പന്തീര്‍പാടം, വരിയട്യാക്ക്, മുണ്ടിക്കല്‍താഴം തുടങ്ങിയ സ്ഥലങ്ങളില്‍ വാഹനങ്ങള്‍ തിരിച്ചുവിടാനുള്ള ബോര്‍ഡുകള്‍ സ്ഥാപിക്കും.
എം കെ മോഹന്‍ദാസ്, ബാബു നെല്ലൂളി, ഉസൈന്‍ ഒളോങ്ങല്‍, ഐസക് മാസ്റ്റര്‍, എം ബാലസുബ്രമണ്യന്‍, സി അബ്ദുറഹ്മാന്‍, കെ രാജന്‍, വസന്ത രാജന്‍, കെ സുന്ദരന്‍, എം വി ബൈജു, രവീന്ദ്രന്‍ കുന്ദമംഗലം പ്രസംഗിച്ചു. വൈസ് പ്രസിഡന്റ് വിനോദ് പടനിലം സ്വാഗതവും വികസനകാര്യ ചെയര്‍പേഴ്‌സണ്‍ ലീന വാസുദേവന്‍ നന്ദിയും പറഞ്ഞു.
Latest
'അബ്ഷിര്‍ പ്ലാറ്റ്‌ഫോം'; നടന്നത് 25,00000 ത്തിലധികം ഇലക്ട്രോണിക് ഇടപാടുകള്‍
ജമൈക്ക ഫലസ്തീന്‍ രാഷ്ട്രത്തെ അംഗീകരിച്ചു; സ്വാഗതം ചെയ്ത് അറബ് പാര്‍ലിമെന്റ്
ഈജിപ്ഷ്യന്‍ തൊഴിലാളികള്‍ക്കുള്ള വിസ വീണ്ടും നിര്‍ത്തിവെച്ച് കുവൈത്ത്
വിദ്വേഷം പരത്തി വോട്ട് നേടാന്‍ ശ്രമം; മോദിയുടെ പ്രസംഗത്തിനെതിരെ രൂക്ഷ വിമര്‍ശനവുമായി ലത്തീന്‍ സഭാ മുഖപത്രം
പാലക്കാട്ട് റെക്കോര്‍ഡ് ചൂട്; ഇന്ന് രേഖപ്പെടുത്തിയത് 41.2 ഡിഗ്രി
കാട്ടുപന്നി ആക്രമണം; സ്‌കൂട്ടറില്‍ സഞ്ചരിക്കുകയായിരുന്ന അമ്മയ്ക്കും മകള്‍ക്കും പരുക്ക്
