Qatar
സിറിയക്കെതിരെ ഖത്വറിന് ജയം
ദോഹ: റഷ്യന്‍ ലോകകപ്പ് ഏഷ്യന്‍ യോഗ്യതാ മൂന്നാം റൗണ്ടില്‍ പ്ലേ ഓഫ് സാധ്യത നിലനിര്‍ത്തി ഖത്വര്‍. തുടര്‍ച്ചയായ മൂന്നു പരാജയങ്ങള്‍ക്കൊടുവില്‍ സിറിയക്കെതിരെ ഖത്വര്‍ ജയിച്ചതോടെയാണിത്. ദോഹയിലെ ജാസിം ബിന്‍ ഹമദ് സ്‌റ്റേഡിയത്തില്‍ ഇന്നലെ രാത്രി ഏഴിന് നടന്ന ആവേശകരമായ മത്സരത്തില്‍ സിറിയയെ എതിരില്ലാത്ത ഒരു ഗോളിന് പരാജയപ്പെടുത്തിയാണ് ഖത്വര്‍ പ്ലേ ഓഫ് സാധ്യത നിലനിര്‍ത്തിയത്. മൂന്നാം റൗണ്ടില്‍ നിന്നും നേരിട്ട് യോഗ്യത നേടണമെങ്കില്‍ ആദ്യ രണ്ടു സ്ഥാനങ്ങളിലെത്തണം. നിലവില്‍ ഖത്വറിന് അത്തരമൊരു സാധ്യത വിരളമാണ്. എന്നാല്‍ മൂന്നാം സ്ഥാനത്തെത്തിയാല്‍ പ്ലേ ഓഫ് കളിച്ച് യോഗ്യത നേടാം.
സിറിയക്കെതിരായ വിജയം ഖത്വറിനെ സംബന്ധിച്ചിടത്തോളം വലിയ പിടിവള്ളിയായി. ആദ്യപകുതിയിലെ 37ാം മിനുട്ടില്‍ ക്യാപ്റ്റന്‍ ഹസന്‍ അല്‍ ഹെയ്‌ദോസ് പെനാലിറ്റിയിലൂടെ നേടിയ ഗോളിലാണ് ഖത്വര്‍ സിറിയയെ മറികടന്നത്. ഈ വിജയത്തോടെ മൂന്ന് പോയിന്റുമായി ഖത്തര്‍ പോയിന്റ്പട്ടികയിലും ഇടംനേടി. ആറു രാജ്യങ്ങളുള്ള ഗ്രൂപ്പ് എയില്‍ ടീമുകള്‍ നാലു മത്സരങ്ങള്‍ വീതം പൂര്‍ത്തിയാക്കിയപ്പോള്‍ ചൈനയെ മറികടന്ന് അഞ്ചാമതെത്താനും ഖത്വറിനായി. ഒരു സമനിലയും മൂന്നു തോല്‍വിയുമായി കേവലം ഒരു പോയിന്റാണ് ചൈനക്കുള്ളത്.
Latest
ഹോര്‍ലിക്‌സ് ഇനി ഫംഗ്ഷണല്‍ ന്യൂട്രീഷ്യന്‍ ഡ്രിങ്ക്സ്; ഹിന്ദുസ്ഥാന്‍ യൂണിലിവര്‍
മുബൈയില്‍ രണ്ടു കുട്ടികളെ കാറില്‍ മരിച്ച നിലയില്‍ കണ്ടെത്തി
പൂക്കോട് വെറ്ററിനറി സര്‍വ്വകലാശാല മുന്‍വിസിയുടെ സസ്‌പെന്‍ഷന്‍; ഗവര്‍ണറുടെ നടപടി ശരിവച്ച് ഹൈക്കോടതി
ഇപി ജയരാജന്‍ ബിജെപിയിലേക്ക് പോകാന്‍ ചര്‍ച്ച നടത്തി ; ആരോപണവുമായി കെ സുധാകരന്‍
വിദ്വേഷ പ്രസംഗം; പ്രധാനമന്ത്രി നരേന്ദ്രമോദിയോട് തിരഞ്ഞെടുപ്പ് കമ്മീഷന്‍ വിശദീകരണം തേടി
മാസപ്പടി കേസ്; മുഖ്യമന്ത്രിയുടെ പങ്ക് വ്യക്തമാക്കുന്ന തെളിവുകള്‍ ഹാജരാക്കാതെ മാത്യു കുഴല്‍നാടന്‍
