Palakkad
വിദ്യാര്‍ത്ഥികള്‍ക്ക് കുടിവെള്ള മൊരുക്കി മാതൃകയായി ചിതല്‍
വടക്കഞ്ചേരി : കണ്ണന്നൂര്‍ ജെ ബി എസ് സ്‌ക്കൂളിലെ വിദ്യാര്‍ത്ഥികള്‍ക്ക് കുടിവെള്ള സംവിധാനമൊരുക്കി മാതൃകയായിരിക്കുകയാണ് സാമൂഹിക പ്രവര്‍ത്തകയും വിദ്യാര്‍ത്ഥിയുമായ സിഫിയ ഹനീഫ് നേതൃത്വം വഹിക്കുന്ന ചിതല്‍ ചാരിറ്റബിള്‍ ട്രസ്റ്റ് . കെ ഡി പ്രസേനന്‍ എം എല്‍ എ യുടെ സമഗ്രവിദ്യാഭ്യാസ പദ്ധതി ദിശയുടെ ഭാഗമായി വിദ്യാലയങ്ങളുടെ അടിസ്ഥാന സൗകര്യ വികസന പ്രവര്‍ത്തനങ്ങളുടെ ഭാഗമായാണ് ചിതലിന്റെ സഹായത്തോടെ കുഴല്‍ക്കിണര്‍ നിര്‍മ്മാണം നടക്കുന്നത്.
മുന്നൂറിലധികം കുട്ടികള്‍ പഠിക്കുന്ന വിദ്യാലയത്തില്‍ കുടിവെള്ളം പ്രതിസന്ധിയിലായിരുന്നു. പഞ്ചായത്തിന്റെ കുടിവെള്ള പദ്ധതിയില്‍ നിന്നും സമീപത്തെ കിണറുകളില്‍ നിന്നും വെള്ളം കോരി കൊണ്ടുവരികയാണ് പതിവ്. വേനല്‍ക്കാലമായാല്‍ ഒന്നിടവിട്ട ദിവസങ്ങളില്‍ മാത്രമാവും കുടിവെള്ളം ലഭ്യമാവുക. കെ ഡി പ്രസേനന്‍ എം എല്‍ എ ഇടപെട്ട് കുടിവെള്ള സംവിധാനത്തിനായി ഇടപെടല്‍ നടത്തിയെങ്കിലും , എയ്ഡഡ് വിദ്യാലയമായതിനാല്‍ സര്‍ക്കാര്‍ ഫണ്ട് ലഭിച്ചില്ല. തുടര്‍ന്നാണ് എം എല്‍ എ യുടെ ആവശ്യപ്രകാരമാണ് സിഫിയ ഹനീഫിന്റെ നേതൃത്വത്തിലുള്ള ചിതല്‍ചാരിറ്റബിള്‍ ട്രസ്റ്റ് ഫേസ് ബുക്ക് കൂട്ടായ്മ രംഗത്തെത്തിയത്.
വ്യാഴാഴ്ച നിര്‍മ്മിച്ച കുഴല്‍ കിണറില്‍ വെള്ളം കണ്ടെത്തുകയും ചെയ്തു. കെ ഡി പ്രസേനന്‍ എം എല്‍ എ, സിഫിയ ഹനീഫ് എന്നിവര്‍ ചേര്‍ന്ന് ഉദ്ഘാടനം നിര്‍വ്വഹിച്ചു.
Latest
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
ജയിലെന്ന് കേട്ടാല്‍ പേടിക്കുന്നവരല്ല ഞങ്ങളെന്ന് മുഖ്യമന്ത്രി പിണറായി വിജയന്‍ ; രാഹുല്‍ ഗാന്ധിക്കെതിരെ രൂക്ഷ വിമര്‍ശനം
യുവതിയെ വീട്ടിലെ കിടപ്പുമുറിയില്‍ തൂങ്ങിമരിച്ചനിലയില്‍ കണ്ടെത്തിയ സംഭവം; ഭര്‍ത്താവ് അറസ്റ്റില്‍
വോട്ടെടുപ്പിനിടെ ബംഗാളിലെ ബൂത്തിന് സമീപം കല്ലേറ്
