Business
സാംസങ്ങിന്റെ മടക്കാവുന്ന ഫോണുകള്‍ക്ക് ആദ്യത്തെ 28 മണിക്കൂറില്‍ 1 ലക്ഷം പ്രീ ബുക്കിങ്
ഈ ഫോണുകള്‍ ഓഗസ്റ്റ് 18 മുതല്‍ വില്‍പ്പനയ്ക്കെത്തും
ന്യൂഡല്‍ഹി|സാംസങ് ഗാലക്സി ഇസെഡ് ഫോള്‍ഡ് 5, ഗാലക്സി ഇസെഡ് ഫ്‌ലിപ്പ് 5 എന്നീ ഫോണുകള്‍ക്ക് ആവശ്യക്കാര്‍ ഏറെയാണെന്ന് റിപ്പോര്‍ട്ട്. സാംസങ് ജൂലൈ 26നാണ് പുതിയ മടക്കാവുന്ന സ്മാര്‍ട്ട്‌ഫോണുകള്‍ പുറത്തിറക്കിയത്. ഇന്ത്യയില്‍ ഈ ഫോണുകളുടെ ബുക്കിങ് ആരംഭിച്ച് ആദ്യത്തെ 28 മണിക്കൂറില്‍ 1 ലക്ഷം യൂണിറ്റ് പ്രീബുക്കിങ് നേടാന്‍ കഴിഞ്ഞെന്ന് കമ്പനി വ്യക്തമാക്കി.
നാലാം തലമുറ ഫോള്‍ഡബിള്‍ ഫോണുകളായ ഗാലക്സി ഇസെഡ് ഫ്‌ലിപ്പ് 4, ഇസെഡ് ഫോള്‍ഡ് 4 എന്നിവയെ അപേക്ഷിച്ച് ഗാലക്സി ഇസെഡ് ഫ്‌ലിപ്പ് 5, ഇസെഡ് ഫോള്‍ഡ് 5 എന്നിവയ്ക്ക് ആദ്യ 28 മണിക്കൂറിനുള്ളില്‍ 1.7 മടങ്ങ് പ്രീ-ബുക്കിംഗ് ലഭിച്ചതായി സാംസങ് അറിയിച്ചു. 2023 ജൂലൈ 27നാണ് ഫോണുകളുടെ പ്രീ-ബുക്കിങ് ആരംഭിച്ചത്. ഫോണുകള്‍ ഇന്ത്യയില്‍ തന്നെയാണ് നിര്‍മ്മിക്കുന്നത്. ഈ ഫോണുകള്‍ ഓഗസ്റ്റ് 18 മുതല്‍ വില്‍പ്പനയ്ക്കെത്തും.
സാംസങ് ഗാലക്സി ഇസെഡ് ഫോള്‍ഡ് 5 സ്മാര്‍ട്ട്‌ഫോണില്‍ 12 ജിബി റാമാണുള്ളത്. ഫോണിന്റെ 256 ജിബി വേരിയന്റിന് ഇന്ത്യയില്‍ 1,54,999 രൂപയാണ് വില. 512 ജിബി സ്റ്റോറേജ് വേരിയന്റിന് 1,64,999 രൂപ വിലയുണ്ട്. 1 ടിബി സ്റ്റോറേജുള്ള മോഡലിന് 1,84,999 രൂപയാണ് വില. ക്രീം, ഐസി ബ്ലൂ, ഫാന്റം ബ്ലാക്ക് എന്നീ നിറങ്ങളില്‍ ഫോണ്‍ ലഭ്യമാകും.
സാംസങ് ഗാലക്സി ഇസെഡ് ഫ്‌ലിപ്പ് 5 ഫോണിന്റെ 256 ജിബിവേരിയന്റിന് 99,999 രൂപയാണ് വില, ഫോണിന്റെ 512 ജിബി സ്റ്റോറേജുള്ള ഹൈ എന്‍ഡ് വേരിയന്റിന് 1,09,999 രൂപ വിലയുണ്ട്.
ക്രീം, ഗ്രാഫൈറ്റ്, ലാവെന്‍ഡര്‍, മിന്റ് എന്നീ നിറങ്ങളില്‍ ഫോണ്‍ ലഭിക്കും.
Latest
'വികസനത്തിന്റെയും സദ്ഭരണത്തിന്റെയും വിജയം'; മഹാരാഷ്ട്രയിലെ വോട്ടര്‍മാര്‍ക്ക് നന്ദി പറഞ്ഞ് പ്രധാനമന്ത്രി
ഭരണ വിരുദ്ധ വികാരമില്ല, ചേലക്കരയിലേത് ഉജ്ജ്വല വിജയം, വര്‍ഗീയതക്കെതിരായ വോട്ട് ഇടതിന് ലഭിച്ചു: മുഖ്യമന്ത്രി
അവകാശവാദങ്ങള്‍ പൊളിഞ്ഞു; എങ്കിലും സാന്നിധ്യമറിയിച്ച് അന്‍വര്‍
കേരളത്തിലെ ഏറ്റവും വലിയ സ്റ്റുഡന്റ്‌സ് അവാര്‍ഡ് പ്രോഗ്രാമുമായി സൈലം
വയനാടിന് പ്രിയങ്കരി; കന്നിയങ്കത്തില്‍ കൂറ്റന്‍ ഭൂരിപക്ഷവുമായി പ്രിയങ്ക
ചേലക്കരയെ വീണ്ടും ചുവപ്പിച്ചു; ചേലോടെ പ്രദീപ്
