Kerala
മുന്‍ മാനേജര്‍ പണം തട്ടിയ സംഭവം പി എന്‍ ബി കോഴിക്കോട് കോര്‍പ്പറേഷന് 10.07 കോടി തിരികെ നല്‍കി
രണ്ട് കോടി 53 ലക്ഷം രൂപ നേരത്തെ കോര്‍പ്പറേഷന് ബേങ്ക് കൈമാറിയിരുന്നു.
കോഴിക്കോട് | കോഴിക്കോട് കോര്‍പ്പറേഷന്റെ അക്കൗണ്ടില്‍ നിന്നും മുന്‍ മാനേജര്‍ തട്ടിയെടുത്ത 10.07 കോടി രൂപ തിരികെ നല്‍കി പഞ്ചാബ് നാഷണല്‍ ബേങ്ക്. ഇന്ന് ചേര്‍ന്ന ബാങ്ക് ഡയറക്ടര്‍ ബോര്‍ഡിന്റെ തീരുമാന പ്രകാരമാണ് നടപടി. രണ്ട് കോടി 53 ലക്ഷം രൂപ നേരത്തെ കോര്‍പ്പറേഷന് ബേങ്ക് കൈമാറിയിരുന്നു.
അതേ സമയം പണം തട്ടിയ ബേങ്ക് മുന്‍ മാനേജര്‍ എം പി റിജിലിനെ ബന്ധു വീട്ടില്‍ വെച്ച് ക്രൈം ബ്രാഞ്ച് കസ്റ്റഡിയിലെടുത്തിട്ടുണ്ട്. കോഴിക്കോട് ജില്ലാ ക്രൈംബ്രാഞ്ചാണ് റിജിലിനെ ഉച്ചയോടെ കസ്റ്റഡിയിലെടുത്തത്. റിജിലിനെ ക്രൈംബ്രാഞ്ച് സംഘം ചോദ്യം ചെയ്യുന്നത് തുടരുകയാണ്. റിജില്‍ നല്‍കിയ മുന്‍കൂര്‍ ജാമ്യഹര്‍ജി കോഴിക്കോട് ജില്ലാ കോടതി കഴിഞ്ഞദിവസം തള്ളിയിരുന്നു. ജാമ്യം നല്‍കിയാല്‍ അത് കേസിന്റെ മുന്നോട്ട് പോക്കിനെ സാരമായി ബാധിക്കുമെന്ന പ്രോസിക്യൂഷന്റെ വാദം പരിഗണിച്ചാണ് ഹര്‍ജി കോടതി തള്ളിയത്.
കോഴിക്കോട് കോര്‍പ്പറേഷന്റെ ബാങ്ക് അക്കൗണ്ടില്‍ നിന്നും 12 കോടി 62 ലക്ഷം രൂപയാണ് റിജില്‍ തട്ടിയത്. തട്ടിപ്പിലൂടെ കൈക്കലാക്കിയ പണത്തില്‍ വലിയൊരു പങ്കും ഓണ്‍ലൈന്‍ ചൂതാട്ടത്തിനടക്കം ചെലവഴിച്ചതായാണ് വിവരം. കോഴിക്കോട് കോര്‍പ്പറേഷന്റെതടക്കം 17 അക്കൗണ്ടുകളില്‍ നിന്നായി 21.29 കോടി രൂപ റിജില്‍ തിരിമറി നടത്തിയതായി ഇതിനകം വ്യക്തമായിട്ടുണ്ട്.
Latest
കേന്ദ്രം കേരളത്തെ പിന്നില്‍ നിന്ന് കുത്തി; പാലക്കാട്ടെ ജനങ്ങൾ ബിജെപിക്ക് തിരിച്ചടി നൽകും: എം ബി രാജേഷ്
കൊല്ലത്ത് സ്വകാര്യ ബസില്‍ നിന്ന് തെറിച്ച് വീണ് വിദ്യാര്‍ഥിനിയ്ക്ക് പരുക്ക്
പത്ത്, പന്ത്രണ്ട് ക്ലാസുകളിലെ ബോര്‍ഡ് പരീക്ഷകളില്‍ സിലബസ് കുറയ്ക്കില്ല; സിബിഎസ്ഇ
വയനാട് ദുരന്തം: കേരളത്തിനുള്ള സഹായത്തില്‍ തീരുമാനമായില്ലെന്ന് കേന്ദ്രം; തീരുമാനം വേഗത്തില്‍ വേണമെന്ന് ഹൈക്കോടതി
എലി വിഷം പൊടിച്ചിട്ട മുറിയില്‍ കിടന്നുറങ്ങിയ രണ്ട് കുഞ്ഞുങ്ങള്‍ക്ക് ദാരുണാന്ത്യം; മാതാപിതാക്കള്‍ ഗുരുതരാവസ്ഥയില്‍
വായ്പ നിരക്കില്‍ വര്‍ധന വരുത്തി എസ്ബിഐ; പുതുക്കിയ നിരക്ക് ഇന്ന് മുതല്‍ പ്രാബല്യത്തില്‍
