രാജ്യത്ത് 1,021 പേര്‍ക്ക് കൂടി കൊവിഡ്

ന്യൂഡല്‍ഹി| രാജ്യത്ത് 1,021 പേര്‍ക്ക് കൂടി കൊവിഡ് റിപ്പോര്‍ട്ട് ചെയ്തതായി കേന്ദ്ര ആരോഗ്യമന്ത്രാലയം അറിയിച്ചു. അതേസമയം സജീവ കേസുകള്‍ 13,037 ല്‍ നിന്ന് 11,393 ആയി കുറഞ്ഞു. കേരളത്തിലെ രണ്ട് പേര്‍ കൊവിഡ് ബാധിച്ച് മരിച്ചത് ഉള്‍പ്പെടെ നാല് മരണങ്ങള്‍ റിപ്പോര്‍ട്ട് ചെയ്തു. ഇതോടെ മരണസംഖ്യ 5,31,794 ആയി ഉയര്‍ന്നു.

മൊത്തം കൊവിഡ് കേസുകളുടെ എണ്ണം 4.49 കോടിയായി (4,49,83,152) രേഖപ്പെടുത്തി. ആരോഗ്യ മന്ത്രാലയ വെബ്സൈറ്റ് അനുസരിച്ച്, മൊത്തം അണുബാധകളുടെ 0.03 ശതമാനം സജീവ കേസുകളും ദേശീയ കൊവിഡ് -19 വീണ്ടെടുക്കല്‍ നിരക്ക് 98.79 ശതമാനവും രേഖപ്പെടുത്തിയിട്ടുണ്ട്.