Kerala
പതിമൂന്നുകാരന്‍ സൈനിക സ്‌കൂള്‍ ഹോസ്റ്റലില്‍ നിന്ന് ചാടിപ്പോയിട്ട് അഞ്ച് ദിവസം; പോലീസ് അന്വേഷണം തുടരുന്നു
കോഴിക്കോട് വേദവ്യാസ സൈനിക സ്‌കൂള്‍ ഹോസ്റ്റലില്‍ നിന്നാണ് ബീഹാര്‍ സ്വദേശിയായ സന്‍സ്‌കാര്‍ കുമാര്‍ ചാടിപ്പോയത്.
കോഴിക്കോട്| കോഴിക്കോട് വേദവ്യാസ സൈനിക സ്‌കൂള്‍ ഹോസ്റ്റലില്‍ നിന്ന് ബീഹാര്‍ സ്വദേശിയായ 13 കാരന്‍ ചാടിപ്പോയിട്ട് അഞ്ചു ദിവസം. സന്‍സ്‌കാര്‍ കുമാര്‍ എന്ന കുട്ടിയാണ് ഹോസ്റ്റലില്‍ നിന്ന് അതിസാഹസികമായി ചാടിപ്പോയത്. കുട്ടി കേരളം വിട്ടു എന്ന സൂചനകളുടെ അടിസ്ഥാനത്തില്‍ പുണെ, ഝാര്‍ഖണ്ട് എന്നിവിടങ്ങളിലേക്കും പോലീസ് അന്വേഷണം വ്യാപിപ്പിച്ചു.
പുലര്‍ച്ചെ ഒരു മണിയോടെയാണ് കുട്ടി ഹോസ്റ്റലിന്റെ ഒന്നാം നിലയില്‍ നിന്നും രക്ഷപ്പെട്ടത്. കേബിളില്‍ പിടിച്ചിറങ്ങിയ കുട്ടി താഴേക്ക് എറിഞ്ഞ കിടക്കയിലേക്ക് ചാടുകയായിരുന്നു. കുട്ടിയുടെ കയ്യില്‍ മൊബൈല്‍ ഫോണ്‍ ഇല്ല.എന്നാല്‍ കുട്ടിയുടെ കൈവശം രണ്ടായിരത്തോളം രൂപ ഉണ്ടായിരുന്നു. സ്‌കൂളില്‍ മറ്റ് പ്രശ്‌നങ്ങള്‍ ഒന്നും ഉണ്ടായിരുന്നില്ലെന്നും പ്രിന്‍സിപ്പല്‍ പറഞ്ഞു. കുട്ടിയെ കുറിച്ച് മാതാപിതാക്കള്‍ക്കും വിവരങ്ങള്‍ ലഭിച്ചിട്ടില്ല.
ഹോസ്റ്റലില്‍ നിന്ന് പുറത്തെത്തിയ കുട്ടി കോഴിക്കോട് റെയില്‍വേ സ്റ്റേഷനില്‍ എത്തി പാലക്കാട്ടേക്ക് പോയെന്ന് പോലീസ് കണ്ടെത്തിയിരുന്നു. പാലക്കാട് റെയില്‍വേ സ്റ്റേഷനിലെ സിസിടിവി ദൃശ്യങ്ങള്‍ പോലീസിന് ലഭിച്ചിരുന്നു. ധന്‍ബാദ്, പൂനെ എന്നിവിടങ്ങള്‍ കേന്ദ്രീകരിച്ചാണ് പോലീസ് അന്വേഷണം നടക്കുന്നത്.
Latest
സംസ്ഥാനത്ത് താപനില ഉയരുമെന്ന് മുന്നറിയിപ്പ്
ഈദുല്‍ ഫിത്ര്‍ നിസ്‌കാരം; ഇരുഹറമുകളിലും ലക്ഷങ്ങള്‍ പങ്കെടുത്തു
ആത്മീയ വളര്‍ച്ചയുടെയും നവീകരണത്തിന്റെയും അതുല്യവേളയായി പെരുന്നാളിനെ മാറ്റണം:സയ്യിദ് ഇബ്‌റാഹീമുല്‍ ഖലീല്‍ അല്‍ ബുഖാരി
സമരം കടുപ്പിച്ച് ആശാ വര്‍ക്കര്‍മാര്‍; ഇന്ന് മുടി മുറിച്ച് പ്രതിഷേധിക്കും
നാദാപുരത്ത് പടക്കം പൊട്ടി രണ്ട് പേര്‍ക്ക് ഗുരുതര പരുക്ക്
പെരുന്നാളിലും ഗസ്സയിൽ ഇസ്റാഈൽ കൂട്ടക്കൊല
