ചില്‍ഡ്രന്‍സ് ഹോമില്‍ 16 കാരന്‍ 17 കാരനെ തലക്കടിച്ചുകൊന്നു

തൃശൂര്‍ | ഇരിങ്ങാലക്കുടയിലെ ചില്‍ഡ്രന്‍സ് ഹോമില്‍ കുട്ടിയെ സഹ അന്തേവാസികള്‍ തലക്ക് അടിച്ചുകൊന്നു. രാമവര്‍മപുരത്തെ സര്‍ക്കാര്‍ ചില്‍ഡ്രണ്‍സ് ഹോമിലുണ്ടായ സംഭവത്തില്‍ ഇരിങ്ങാലക്കുട സ്വദേശി അഭിഷേകാണ് (17)  കൊല്ലപ്പെട്ടത്.

ഇന്നലെ രാത്രി കുട്ടികള്‍ തമ്മില്‍ തര്‍ക്കമുണ്ടായിരുന്നു. ഇന്നു വീണ്ടും തര്‍ക്കത്തില്‍ ഏര്‍പ്പെടുകയും 16 വയസ്സുകാരന്‍ 17 വയസ്സ് ഉള്ള അഭിഷേകിനെ ചുറ്റികകൊണ്ട് തലക്കടിച്ചു കൊലപ്പെടുത്തുകയുമായിരുന്നു. അഭിഷേകിനെ തൃശൂര്‍ മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

മൃതദേഹം നിലവില്‍ തൃശ്ശൂര്‍ മെഡിക്കല്‍ കോളേജില്‍ സൂക്ഷിച്ചിരിക്കുകയാണ്. സംഭവത്തില്‍ തൃശൂര്‍ പോലീസ് അന്വേഷണം ആരംഭിച്ചു. പോലീസിലെ ഉന്നത ഉദ്യോഗസ്ഥരടക്കം ചില്‍ഡ്രന്‍സ് ഹോമിലെത്തി.