Kerala
ധാര്‍മ്മിക സംരക്ഷണത്തിന് വിദ്യാര്‍ഥികള്‍ സംസ്‌കൃതരാവണം: പൊന്മള
തിരുവനന്തപുരം: മലിനമാകുന്ന സമൂഹത്തെ ധാര്‍മ്മികവത്കരിക്കുന്നതിനും വിദ്യാര്‍ത്ഥിത്വത്തെ സംസ്‌കൃതരാക്കുന്നതിനും ബോധപൂര്‍വ്വമായ ഇടപെടലുകള്‍ ഉണ്ടാവണമെന്ന് എസ് വൈ എസ് സംസ്ഥാന പ്രസിഡന്റ ് പൊന്മള അബ്ദുല്‍ ഖാദിര്‍ മുസ്‌ലിയാര്‍ അഭിപ്രായപ്പെട്ടു. എസ് എസ് എഫ് സംസ്ഥാന വ്യാപകമായി ആറായിരം യൂണിറ്റ് കേന്ദ്രങ്ങളില്‍ നടപ്പിലാക്കുന്ന “തര്‍ബിയ” പ്രതിമാസ പരിശീലന പരിപാടിയുടെ സംസ്ഥാനതല ഉദ്ഘാടനം ബീമാപള്ളിയില്‍ നിര്‍വഹിച്ച് സംസാരിക്കുകയായിരുന്നു അദ്ദേഹം. സാമൂഹ്യ മാറ്റങ്ങള്‍ക്ക് കാരണമായ നിരവധി വിപ്ലവങ്ങള്‍ക്ക് നേതൃത്വം നല്‍കിയത് വിദ്യാര്‍ഥികളാണെന്നും ആത്മീയവും ആദര്‍ശ പരവുമായ പരിശീലനം ലഭിച്ച പ്രവര്‍ത്തകരാണ് ഇസ്‌ലാമിക പ്രസ്ഥാനത്തിന്റെ ശക്തിയെന്നും അദ്ദേഹം പറഞ്ഞു. എസ് എസ് എഫ് സംസ്ഥാന വൈസ് പ്രസിഡന്റ ് എന്‍ വി അബ്ദു റസാഖ് സഖാഫി അധ്യക്ഷത വഹിച്ചു. പി എ ഫാറൂഖ് നഈമി മുഖ്യ പ്രഭാഷണം നടത്തി. സിദ്ധീഖ് സഖാഫി നേമം, ശംസുദ്ധീന്‍ കാമില്‍ സഖാഫി ചെമ്പഴങ്ങി, ഹാഷിര്‍ സഖാഫി കായംകുളം, മുനീര്‍ നഈമി സംബന്ധിച്ചു. എം അബ്ദുല്‍ മജീദ് സ്വഗതവും മുഹമ്മദ് ഷാഫി നന്ദിയും പറഞ്ഞു.
Latest
വേട്ടയാടലും ഭീഷണിയും തന്നോട് വേണ്ട; ഫേസ് ബുക്ക് പോസ്റ്റുമായി മന്ത്രി സജി ചെറിയാന്
ഹജ്ജ് കമ്മിറ്റി അംഗങ്ങളായി; ചെയര്മാന് തിരഞ്ഞെടുപ്പ് ഉടന്
പെണ്മക്കളെ പീഡിപ്പിച്ച കേസില് അച്ഛനെ രാജാക്കാട് പോലീസ് അറസ്റ്റ് ചെയ്തു
കാട്ടാന വനപാലകരുടെ ജീപ്പ് മറിച്ചിട്ടു;രണ്ടുപേര്ക്ക് പരിക്ക്
സന്നിധാനത്ത് ഇതുവരെ പിടികൂടിയത് 33 പാമ്പുകളെ
പുഴയില് രണ്ടാംവട്ടം ചാടി ഗൃഹനാഥന് ജീവനൊടുക്കി
