Education
സ്വയംഭരണ കോളജുകള്‍ക്ക് ബിരുദദാനാവകാശം: യു ജി സി ആക്ടില്‍ ഭേദഗതി വരുത്തും
ന്യൂഡല്‍ഹി: നിലവില്‍ രാജ്യത്ത് സ്വയംഭരണാവകാശം നല്‍കിയിട്ടുള്ള കോളജുകളുടെ പ്രശ്‌നങ്ങള്‍ പഠിക്കാനായി കേന്ദ്രമാനവ വിഭവശേഷി വകുപ്പും യു ജി സിയും തിരഞ്ഞെടുക്കപ്പെട്ട സ്വയംഭരണ കോളജുകളുടെ തലവന്മാരുമായും സംസ്ഥാന സര്‍ക്കാര്‍ പ്രതിനിധികളുമായും ചര്‍ച്ച നടത്തി. കേന്ദ്രസര്‍ക്കാര്‍ അംഗീകാരം നല്‍കിയ രാഷ്ട്രീയ ശിക്ഷാ അഭിയാന്‍ പദ്ധതിയിലുള്‍പ്പെടുത്തി സര്‍വകലാശാലകളായി മാറാന്‍ താത്പര്യമുള്ള സ്വയംഭരണ കോളജുകള്‍ക്ക് 55 കോടി രൂപവരെ ലഭ്യമാക്കുമെന്ന് ഉന്നത വിദ്യാഭ്യാസ സെക്രട്ടറി യോഗത്തില്‍ അറിയിച്ചു.
സ്വയംഭരണ കോളജുകളുടെ പ്രവര്‍ത്തനാധികാരം, നിയന്ത്രണം എന്നിവയെക്കുറിച്ച് പ്രൊഫ. സെയ്ദ് ഹസ്‌നൈന്‍ അധ്യക്ഷനായ യു ജി സി സ്റ്റാന്‍ഡിംഗ് കമ്മിറ്റി രണ്ട് മാസത്തിനകം ശിപാര്‍ശ സമര്‍പ്പിക്കും.
സ്വയംഭരണ കോളജുകള്‍ക്ക് ബിരുദദാനാവകാശം നല്‍കാനായി നിലവിലെ യു ജി സി ആക്ടില്‍ കേന്ദ്ര സര്‍ക്കാര്‍ ഭേദഗതി വരുത്തും. പന്ത്രണ്ടാം പദ്ധതി അവസാനിക്കുന്നതോടെ യോഗ്യമായ കോളജുകളില്‍ 10 ശതമാനത്തിനെങ്കിലും സ്വയംഭരണാവകാശം നല്‍കാന്‍ യോഗത്തില്‍ തീരുമാനമായി. പന്ത്രണ്ടാം പദ്ധതിക്കാലയളവിനുള്ളില്‍ 45 സ്വയംഭരണ കോളജുകളെ സര്‍വകലാശാലകളാക്കി ഉയര്‍ത്തും.
Latest
റെയില്‍വേ ട്രാക്കിന് സമീപം കര്‍ഷകനെ ട്രെയിന്‍തട്ടി മരിച്ച നിലയില്‍ കണ്ടെത്തി
സ്നേഹം പകര്‍ന്ന് തൃശൂര്‍ ; തലോടലായി മാനവ സഞ്ചാരം
വഖഫ് ഭേദഗതി നിയമം അടിയന്തരമായി കൊണ്ട് വരാനുള്ള ബിജെപി സര്‍ക്കാര്‍ നീക്കം പ്രകോപനങ്ങള്‍ സൃഷ്ടിക്കാന്‍ : ഇ ടി മുഹമ്മദ് ബഷീര്‍ എംപി
ഗൂഗിള്‍ മാപ്പ് ചതിച്ചു; നിര്‍മാണം നടന്നുകൊണ്ടിരിക്കുന്ന പാലത്തില്‍ നിന്നും കാര്‍ നദിയിലേക്ക് മറിഞ്ഞ് മൂന്ന് മരണം
ഷാഹി ജമാ മസ്ജിദ് സര്‍വേക്കിടെ സംഘര്‍ഷം; പോലീസ് വെടിവെപ്പില്‍ മൂന്ന് മരണം
സംസ്ഥാന വനിതാ കമ്മിഷന്‍ അദാലത്ത്; 60 പരാതികളില്‍ 17 എണ്ണം തീര്‍പ്പാക്കി
