National
റിലയന്‍സിന് സ്‌പെക്ട്രം ലഭിച്ചത് ടെലികോം വകുപ്പിന്റെ പഴുതുകള്‍ കാരണം: സി എ ജി
ന്യൂഡല്‍ഹി: റിലയന്‍സ് ജിയോ ഇന്‍ഫോകോമിന് ബി ഡബ്ല്യൂ എ സ്‌പെക്ട്രം ലഭിച്ചത് ടെലികോം വകുപ്പിന്റെ പഴുതുകള്‍ കാരണമാണെന്ന് കംപ്‌ട്രോളര്‍ ആന്‍ഡ് ഓഡിറ്റര്‍ ജനറല്‍ (സി എ ജി). ഇതുകാരണം വന്‍ നഷ്ടമാണ് സര്‍ക്കാര്‍ ഖജനാവിനുണ്ടായത്. ലേലം കൊള്ളുന്നവരുടെ യോഗ്യതാ മാനദണ്ഡങ്ങള്‍ സംവിധാനിക്കാന്‍ സി എ ജി ടെലികോം വകുപ്പിന് അയച്ച കരട് റിപ്പോര്‍ട്ടില്‍ കര്‍ശന താക്കീത് നല്‍കിയിട്ടുമുണ്ട്.
മുകേഷ് അംബാനിയുടെ ഉടമസ്ഥതയിലുള്ള റിലയന്‍സ് ഇന്‍ഡസ്ട്രീസിന്റെ റിലയന്‍സ് ജിയോ കമ്പനി 12750 കോടി രൂപയുടെ ബി ഡബ്ല്യൂ എ സ്‌പെക്ട്രം ലേലത്തില്‍ പിടിച്ച ഉടനെ, ഇന്‍ഫോടെല്‍ ബ്രോഡ്ബാന്‍ഡ് സര്‍വീസസ് പ്രൈവറ്റ് ലിമിറ്റഡ് (ഐ ബി എസ് പി എല്‍) കമ്പനിയും സ്വന്തമാക്കിയിരുന്നു. എ രാജ ടെലികോം മന്ത്രിയായപ്പോഴാണ് ബി ഡബ്ല്യൂ എ സ്‌പെക്ട്രം ലേലം നടന്നത്. അന്ന് ലേലത്തില്‍ പങ്കെടുക്കാനുള്ള കാലപരിധി നിശ്ചയിച്ചിരുന്നില്ല. ടെലികോം വകുപ്പിന്റെ അശ്രദ്ധ കാരണം 4800 കോടി രൂപയുടെ നേട്ടമാണ് റിലയന്‍സിനുണ്ടായതെന്ന് കരട് റിപ്പോര്‍ട്ടില്‍ പറയുന്നു. അതേസമയം, റിലയന്‍സ് ഇത് നിഷേധിച്ചു.
Latest
ഇരിട്ടിയിലും രണ്ട് പേര്‍ പുഴയില്‍ മുങ്ങി മരിച്ചു
ആര്‍ എസ് എസിനെയും ജമാഅത്തെ ഇസ്ലാമിയെയും വിമര്‍ശിച്ചാല്‍ ഹിന്ദു, മുസ്ലിം സമൂഹത്തിനെതിരാകില്ല: എം വി ഗോവിന്ദന്‍
കാലത്തിനനുസരിച്ച് മാറുന്നവര്‍ക്കേ നിലനില്‍പ്പുള്ളൂ: മുഖ്യമന്ത്രി
എരിഞ്ഞിപ്പുഴയില്‍ കുളിക്കാനിറങ്ങിയ രണ്ട് വിദ്യാര്‍ഥികള്‍ മുങ്ങി മരിച്ചു
ജെയ്പൂര്‍-അജ്മീര്‍ ഹൈവേ തീപ്പിടിത്തം: മരണം 20 ആയി
ഒസാമു സുസുക്കി; ഇന്ത്യയിലെ സാധാരണക്കാരൻ്റെ സ്വപ്‌നം സാക്ഷാത്‌കരിച്ച ജപ്പാൻകാരൻ
