National
ഇറോം ശര്‍മിളയെ മോചിപ്പിക്കണമെന്ന് മണിപ്പൂര്‍ കോടതി
ഇംഫാല്‍: സൈന്യത്തിന് പ്രത്യേകാധികാരം നല്‍കുന്ന അഫ്‌സ്പ നിയമത്തിനെതിരെ 14 വര്‍ഷമായി നിരാഹാരമിരിക്കുന്ന ഇറോം ശര്‍മിളയെ മോചിപ്പിക്കണമെന്ന് മണിപ്പൂര്‍ കോടതി. ശര്‍മിളയ്‌ക്കെതിരെ ചുമത്തിയിരിക്കുന്ന ആത്മഹത്യാശ്രമമെന്ന കുറ്റം ആരോപണം മാത്രമാണ്. തെളിവുകളില്ലെന്ന് കോടതി ചൂണ്ടിക്കാട്ടി. ആത്മഹത്യാ ശ്രമക്കുറ്റം ചുമത്തി അറസ്റ്റ് ചെയതിരിക്കുന്ന ഇറോം ശര്‍മിള ഇപ്പോള്‍ വീട്ടുതടങ്കലിലാണ്.
ഇംഫാല്‍ വിമാനത്താവള മേഖലയില്‍ സമരം നടത്തിയവര്‍ക്കെതിരെ ആസാം റൈഫിള്‍സ് നടത്തിയ വെടിവെപ്പില്‍ 14 പേര്‍ കൊല്ലപ്പെട്ടിരുന്നു. 2000 നവംബര്‍ രണ്ടിനായിരുന്നു സംഭവം. ഇതില്‍ പ്രതിഷേധിച്ചാണ് ശര്‍മിള 28-ാം വയസ്സില്‍ നിരാഹാരം ആരംഭിച്ചത്. സൈന്യത്തിനുള്ള പ്രത്യേകാധികാര നിയമം ( ആംഡ് ഫോഴ്‌സ് സ്‌പെഷ്യല്‍ പവേഴ്‌സ് ആക്ട്-അഫ്‌സ്പ) എടുത്തുകളയണമെന്നായിരുന്നു ആവശ്യം. മൂന്ന് ദിവസത്തിന് ശേഷം ആത്മഹത്യാശ്രമത്തിന് കേസെടുത്തു. ആത്മഹത്യാശ്രമത്തിന് ഒരു വര്‍ഷം തടവ് മാത്രമാണ് പരമാവധി നല്‍കാവുന്ന ശിക്ഷ. അതുകൊണ്ട് എല്ലാ വര്‍ഷവും മോചിപ്പിക്കുകയും വീണ്ടും അറസ്റ്റ് ചെയ്യുകയുമാണ് പതിവ്. ഭക്ഷണം കഴിക്കാന്‍ വിസമ്മതിക്കുന്ന ശര്‍മിളയെ മൂക്കിലൂടെയിട്ട ട്യൂബിലൂടെ നിര്‍ബന്ധിച്ച് ദ്രവരൂപത്തിലുള്ള ഭക്ഷണം നല്‍കിയാണ് ജീവന്‍ നിലനിര്‍ത്തുന്നത്.
ഇറോം ശര്‍മിളയെ വിട്ടയക്കണമെന്ന് ആവശ്യപ്പെട്ട കോടതി പക്ഷേ സൈന്യത്തിന്റെ പ്രത്യേകാധികാര നിയമത്തെക്കുറിച്ച് നിലപാട് വ്യക്തമാക്കിയില്ല.
Latest
മാട്രിമോണിയല്‍ സൈറ്റുകള്‍ വഴി പണം തട്ടിയ കേസ്; ദമ്പതികള്‍ അറസ്റ്റില്‍
പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് ദൃശ്യങ്ങള്‍ പ്രചരിപ്പിച്ചു; പ്രതിക്ക് 12 വര്‍ഷം കഠിനതടവും 2.1 ലക്ഷം രൂപ പിഴയും
ശൈഖ് അബൂബക്കര്‍ ഫൗണ്ടേഷന്‍ സ്‌കോളര്‍ സ്പാര്‍ക് ടാലന്റ് ഹണ്ട് പരീക്ഷ: അപേക്ഷ ക്ഷണിച്ചു
നെടുമ്പാശ്ശേരി വിമാനത്താവളത്തില്‍ ഏഴരക്കോടിയുടെ കഞ്ചാവ് പിടിച്ചെടുത്തു; മൂന്നുപേര്‍ അറസ്റ്റില്‍
നമ്മള്‍ ഇന്ത്യക്ക് പുറത്തുള്ളവരാണോ, പുറന്തള്ളപ്പെടേണ്ടവരാണോ; കേന്ദ്ര അവഗണനക്കെതിരെ മുഖ്യമന്ത്രി
ദുരിതാശ്വാസം: വയനാട്ടില്‍ ചൊവ്വാഴ്ച എല്‍ ഡി എഫ്, യു ഡി എഫ് ഹര്‍ത്താല്‍
